'चला हवा येऊ द्या' मधून प्रेक्षकांच्या घरोघरी पोहोचलेला कॉमेडियन सागर कारंडे (Sagar Karanda) कायमच त्याच्या अभिनयासाठी ओळखला जातो. त्याच्या 'स्त्री' पात्राने तर चाहत्यांच्या मनात घर केले आहे. सागर कारंडेने आपल्या विनोदी शैली आणि अभिनयाच्या जोरावर मनोरंजनसृष्टीत स्वतःची ओळख तयार केली आहे.

सागर कारंडेने आपल्या अभिनयाने चाहत्यांना खूप हसवले आहेत. त्यांनी अनेक नाटक देखील केली आहेत. त्याचा अभिनय लहानांपासून मोठ्यापर्यंत सर्वांनाच वेड लावणार आहे. हरहुन्नरी सागर कारंडे आता एका वेगळ्या कारणामुळे चर्चेत आला आहे. त्याने सोशल मीडियावर एक खास व्हिडीओ शेअर केला आहे. या पोस्टने सर्वांचे लक्ष वेधून घेतले आहे. त्याने लिहिलं की,"यापुढे स्त्री पात्र करणार नाही" त्याच्या या पोस्टने चाहत्यांना मोठा धक्का बसला आहे.

पोस्टच्या खाली कमेंट्सचा वर्षाव होत आहे. मात्र या निर्णयामागे सागरचे नेमकं कोणते कारण आहे. याचा अद्याप खुलासा झाला नाही आहे. सागरच्या पोस्टवर तुम्ही "कोणतंही पात्र करा ते भारीच असतं", "पण का?", "तुम्ही स्त्री पात्रात छान दिसता", "तुमचा विनोद लय भारी", "तुमच्या स्त्री पात्रांनी आम्हाला हसवलंय" अशा कमेंट्सचा वर्षाव होत आहे.

सागर कारंडेने आजवर अनेक मराठी चित्रपट, नाटक यांमध्ये काम केले आहे. अनेक पुरस्कार सोहळ्यात तो आपल्या हास्याने चाहत्यांना आणि कलाकारांना खूप हसवतो. सागर कारंडेच्या आगामी प्रोजेक्टसाठी चाहते कायमच आतुर असतात. सागर कारंडे कोणत्याही भूमिकेत जीव ओततो आणि प्रेक्षकांना खळखळवून हसवतो.