मराठी मनोरंजन विश्वातून आनंदाची बातमी समोर आली आहे. प्रसिद्ध अभिनेत्रीने चाहत्यांना गुडन्यूज दिली आहे. 'प्रेमाची गोष्ट' फेम अभिनेत्री स्वरदा ठिगळे लवकरच आई होणार आहे. अभिनेत्रीने सोशल मीडियावर नवऱ्यासोबत रोमँटिक व्हिडीओ शेअर करून ही आनंदाची बातमी शेअर केली आहे. स्वरदा ठिगळे आणि सिद्धार्थ राऊतने मार्च २०२४ मध्ये लग्नगाठ बांधली.

स्वरदाने शेअर केलेल्या व्हिडीओत ती नवऱ्यासोबत समुद्रकिनारी फेरफटका मारताना दिसत आहे. त्यानंतर तिने बेबी बंप फ्लॉन्ट करत चाहत्यांना प्रेगनेंसी गुडन्यूज दिली आहे. स्वरदाने शेअर केलेल्या व्हिडीओवर चाहते आणि कलाकार मंडळी कमेंट्सचा आणि शुभेच्छांचा वर्षाव करत आहेत. दोघांना नवीन आयुष्यासाठी शुभेच्छा देत आहेत. अभिनेत्रीने व्हिडीओच्या कॅप्शनमध्ये लिहिलं की, "Some love stories create memories, Ours created a heartbeat, baby Coming soon..."

अभिनेत्री स्वरदा ठिगळे आजवर अनेक मालिकांमध्ये झळकली आहे. यात 'माझे मन तुझे झाले', 'स्वराज्य सौदामिनी ताराराणी' या मालिकेत दिसली. स्वरदा ठिगळेने हिंदी मालिकांमध्ये देखील काम केले आहे. 'प्रेमाची गोष्ट' या मालिकेमुळे स्वरदाला खूप लोकप्रियता मिळाली. 'प्रेमाची गोष्ट' मालिकेत स्वरदाने तेजश्रीची भूमिका साकारली होती.

अभिनेत्री स्वरदाचा नवरा सिद्धार्थ राऊत हा डिझायनर आहे. स्वरदाने २०१३ मध्ये आलेल्या 'माझे मन तुझे झाले' या मालिकेतून तिने छोट्या पडद्यावर पदार्पण केले. या मालिकेमध्ये तिने शुभ्राची भूमिका साकारली होती. तिने २०१७ मध्ये 'सावित्री देवी कॉलेज' या हिंदी मालिकेतही काम केले.