मराठी अभिनेत्री पूजा सावंतने (Pooja Sawant) 2024 मध्ये लग्नगाठ बांधली. अभिनेत्री पूजा कायमच तिच्या अभिनयासाठी ओळखली जाते. तिने आजवर अनेक हिट चित्रपट केले आहेत. सध्या ती नवऱ्यासोबत ऑस्ट्रेलियाला राहते. त्यामुळे पूजाने आपली पहिली मकर संक्रांत (Makar Sankranti ) आपल्या कुटुंबासोबत परदेशात साजरी केली. या गोड क्षणाचा व्हिडीओ तिने सोशल मीडियावर चाहत्यांसोबत शेअर केला आहे.

पूजाचा मकर संक्रांत स्पेशल लूक

मकर संक्रांतीसाठी दोघांनीही पारंपरिक लूक केला होता. दोघेही काळ्या रंगाच्या पोषाखात पाहायला मिळाले. पूजाने काळ्या रंगाची पैठणी नेसली तर सिद्धेशने (Siddhesh Chavan) काळ्या रंगाचा कुर्ता परिधान केला आहे. दोघेही एकत्र खूपच छान दिसत आहे. पूजाने सुरेख साज श्रृंगार केला आहे. तिने विशेषता हलव्याचे दागिने घातले आहेत. त्यांनी एकत्र पूजा देखील केल्याचे व्हिडीओमध्ये पाहायला मिळत आहे.

पूजाचे आई-बाबा, भाऊ-बहीण सर्व ऑस्ट्रेलियाला आहेत. पूजाच्या नवऱ्याचे नाव सिद्धेश चव्हाण आहे. तिने नवऱ्यासोबत खास फोटोशूट देखील केले आहे. आई त्यांना छान ओवाळताना दिसत आहे. या दोघांनी भन्नाट फोटोशूट केले आहे. पूजाच्या या व्हिडीओवर सध्या चाहते आणि कलाकारांकडून प्रेमाचा शुभेच्छांचा आणि कौतुकाचा वर्षाव होत आहे.

पूजाचा नवरा सिद्धेश ऑस्ट्रेलियातील एका फायनान्स कंपनीत कामाला आहे. यांनी 28 फेब्रुवारी 2024 ला लग्नगाठ बांधली आहे. पूजा सावंतचा सोशल मीडियावर मोठा चाहता वर्ग आहे. तिचे इन्स्टाग्राम 1.9 मिलियन फॉलोअर्स आहेत. आपल्या विविध लूकचे फोटो आणि व्हिडीओ ती सोशल मीडियावर शेअर करत असते. त्यांचा एकदम थाटात विवाह सोहळा पार पडला होता.