Pooja Sawant And Siddhesh Chavan:

मराठी सिनेसृष्टीची प्रसिद्ध अभिनेत्री पूजा सावंत (Pooja Sawant) लवकरच विवाहबंधनात अडकणार आहे. पूजा सावंत बॉयफ्रेंड सिद्धेश चव्हाणसोबत (Siddhesh Chavan) लग्न करणार आहे. सध्या या कपलच्या लग्नापूर्वीचे विधी सुरू आहेत. संगीत, मेहंदी सिरेमनी पार पडल्यानंतर पूजा आणि सिद्धेशचा हळदी समारंभ पार पडला.

हळदी समारंभामध्ये या दोन्ही कपलने कुटुंबीय आणि मित्र परिवारासोबत खूप धम्मला केली. पूजा सावंतला सिद्धेशच्या नावाची हळद लागली. हळदी समारंभामध्ये पूजा सावंतने जबरदस्त डान्स देखील केला. पण बहीण रुचिरा हळद लावत असताना पूजा खूपच इमोशनल झाली. यावेळी दोघी बहिणी रडू लागल्या. त्याचा हा व्हिडीओ सध्या सोशल मीडियावर व्हायरल होत आहे.

पूजा सावंत आणि सिद्धेश चव्हाणच्या हळदी समारंभाचे फोटो आणि व्हिडीओ सध्या सोशल मीडियावर व्हायरल होत आहेत. यावेळ पूजा आणि सिद्धेशने मँचिंग ड्रेसिंग केली होती. पूजानेन डार्क पर्पल कलरचा लेहेंगा परिधान केला होता. तर सिद्धेशने याच रंगाचा कुर्ता आणि पायजमा परिधान केला होता. यावेळी दोघेही खूपच क्युट दिसत होते. स्वत:च्याच हळदीमध्ये पूजाने प्रिती झिंटाचे सुपरहिट गाणं 'बुमरो बुमरो' गाण्यावर जबरदस्त डान्स केला. पूजा सावंतच्या डान्सचा व्हिडीओ सध्या सोशल मीडियावर व्हायरल होत आहे.

तर दुसरीकडे पूजा सावंतच्या हळदीतील आणखी एक व्हिडीओ व्हायरल होत आहे. पूजा सावंतला हळद लावत असताना तिची बहीण रुचिरा खूपच इमोशन झाली. बहिणीला हळद लावत असताना रुचिरा रडू लागली. यावेळी पूजाला देखील अश्रू अनावर झाले. दोघीही बहिणी रडू लागला. या दोघी बहिणींचे एकमेकांवरील प्रेम यावेळी दिसून येत होते. लाडकी बहीण आता सासरी जाणार असल्यामुळे रुचिरा खूपच इमोशनल झाली.

दरम्यान, पूजा सावंत आणि सिद्धेश चव्हाण यांचे लग्न २८ फेब्रुवारीला विवाहबंधनात अडकणार आहेत. २८ नोव्हेंबरला पूजा सावंतने इन्स्टाग्रामवर बॉयफ्रेंड सिद्धेशसोबतचा फोटो शेअर करत पूजाने आपल्या प्रेमाची कबुली दिली होती. पूजाने प्रेमाची कबुली दिल्यापासून सोशल मीडियावर तिच्या लग्नाची जोरदार चर्चा होती. सिद्धेश चव्हाण असं तिच्या होणाऱ्या नवऱ्याचे नाव असून तो मुळचा मुंबईकर आहे. तो कामानिमित्त ऑस्ट्रेलियामध्ये असतो. तो ऑस्ट्रेलियात फायनन्ससंबंधित काम करतो.