मुंबई: हेमांगी कवी (Hemangi Kavi) बऱ्याचदा सोशल मीडियावर वादाच्या भोवऱ्यात पडणाऱ्या पोस्ट टाकत असते. (Marathi Actress) तिच्या रोखठोक आणि बिनधास्त विधानांमुळे आणि मतांमुळे अनेकदा चर्चेत असते. नेहमीच सोशल मीडियाच्या माध्यमातून ती विविध फोटो आणि व्हिडिओ शेअर करत असते. अनेकदा तिच्या पोस्ट्सवरुन नेटकरी तिला ट्रोलही करत असतात. आता पुन्हा एकदा हेमांगी चर्चेत आली आहे. तिच्या चाहत्याने एका पोस्टवर तिचे चुकीचे नाव घेतल्यामुळे पोस्ट चर्चेत आली आहे. (Marathi Entertainment News)

हेमांगी फेसबूकच्या माध्यमातून विविध पोस्ट शेअर करत असते. नुकतेच हेमांगीने वेगवेगळ्या लूकमधील काही फोटो शेअर केले आहेत. त्या फोटोला मंगेश पाडगावकरांच्या कवितेच्या खास ओळी लिहित फोटो शेअर केला आहे. त्याला कॅप्शन देताना तिने मंगेश पाडगावकरांच्या कवितेच्या ओळी लिहिल्या आहे. “शोधिले स्वप्नात मी ते ये करी जागेपणी, दाटुनी आलास तू रे आज माझ्या लोचनी, वाकला फांदीपरी आता फुलांनी जीव हा, तू असा जवळी रहा – मंगेश पाडगावकर”, असे कॅप्शन तिने या फोटोला दिले आहे.

या पोस्टवर कमेंट करताना चाहत्याने लिहिले की, 'अप्रतिम शुभांगी' त्यावर हेमांगी बोलते, म्हणजे नावसमोर असतानाही कसं काय चुकू शकत? मात्र चाहत्याने तिचे नाव चुकीचे लिहिले म्हणून ती त्याच्यावर चांगलीच भडकली आहे. चुकीचे नाव घेतलेल्या चाहत्याला बरेच जणांनी तिचे हेमांगी नाव आहे असेही सांगितले आहे. दरम्यान हेमांगीची ही पोस्ट खूप व्हायरल होत आहे.