Akshaya Deodhar News: अत्रिनेत्री अक्षया देवधर नेहमी चर्चेत राहणारी अभिनेत्री आहे. अक्षया सोशल मीडियावर सक्रिय असते. अक्षया 'तुझ्यात जीव रंगला' या मालिकेतील पाठकबाईंच्या भूमिकेमुळे महाराष्ट्रात घराघरात पोहोचली. याच अक्षयाने चाहत्यांना गुडन्यूज दिली आहे. (Latest Marathi News)

अभिनेत्री अक्षया आणि हार्दिक जोशी या जोडीने मालिकेच्या माध्यमातून प्रेक्षकांची मनं जिंकली आहेत. दोघांनी काही महिन्यापूर्वीच लग्न केलं. लग्न केल्यानंतर दोघे नाशिकच्या सप्तश्रृंगी गडावर देवीच्या दर्शनाला गेले होते.

दोघांनी मनोरंजनसृष्टीत मोठा चांगलाच जम बसवला आहे. अशातच अक्षयाने चाहत्यांना गुडन्यूज दिली आहे. अक्षयाने इन्टा स्टोरी पोस्ट करून चाहत्यांना गुडन्यूज दिली आहे. अक्षयाने चाहत्यांना नवा युट्युब चॅनल काढल्याची माहिती दिली आहे. अक्षयाने तिचा युट्युब चॅनलवर एक व्हिडिओ देखील शेअर केला आहे.

अक्षयाच्या या व्हिडिओमध्ये दिसत आहे की, 'अक्षया तिची पहिली वटपौर्णिमा साजरी करत आहे. या व्हिडिओवर चाहत्यांनी कमेंट्सचा वर्षाव केला आहे. या व्हिडिओत अक्षयाने पिवळ्या रंगाची साडी नेसली आहे. तसेच अक्षया पारंपरिकरित्या वडाची पूजा करताना दिसत आहे.

अक्षयाच्या या व्हिडिओवर एका चाहत्याने कमेंट्स करताना म्हटले आहे की, 'अक्षया अखेर तुझा युट्युब चॅनल आला. आता रोज व्लॉग शेअर करत राहा'.तर दुसऱ्या युजरने म्हटले आहे की,'अक्षया तुझं अभिनंदन! तुझा युट्युब चॅनल पाहून छान वाटतंय'.

दरम्यान, अक्षयाचाा युट्युब चॅनल पाहून तिचे चाहते खूपच खूश असल्याचे दिसून येत आहे. अक्षयाच्या नव्या युट्युब चॅनलवर आता चाहत्यांना नव्या मनोरंजनाची मेजवाणी मिळणार आहे.

अक्षयाच्या नव्या युट्युब चॅनलला चाहत्यांचा कसा प्रतिसाद मिळतोय, हे पाहावे लागणार आहे. दरम्यान, अक्षयाने इन्स्टा स्टोरी शेअर केल्यानंतर युट्युब चॅनेलची लिंक दिली आहे. तसेच चाहत्यांना आपलं चॅनेल सबस्क्राइब करायची विनंती देखील केली आहे.