मराठी अभिनेता अनिकेत विश्वासराव (Aniket Vishwasrao) यांची एक्स बायको पुन्हा एकदा लग्नबंधनात अडकली आहे. स्नेहा चव्हाणच्या लग्नाचे फोटो आणि व्हिडीओ सध्या सोशल मीडियावर व्हायरल होत आहेत. स्नेहाने मानससोबत लग्नगाठ बांधली आहे. या दोघांनी घरीच साध्या पद्धतीने लग्न केलं आहे.

स्नेहा (Sneha Chavan) आणि मानस घरातील सदस्यांच्या उपस्थितीत लग्नगाठ बांधली आहे. या लग्न सोहळ्याला त्यांचे काही जवळचे मित्रमंडळी पाहायला मिळाले. तसेच त्यांचा रिसेप्शन सोहळा देखील पार पडला आहे.

स्नेहा आणि मानसचे लग्न पारंपारिक पद्धतीने पार पडले. स्नेहाने लग्नासाठी जांभळ्या रंगाची साडी नेसली आहे. तर मानसने शेरवानी परिधान केली आहे. दोघ एकत्र खूपच छान दिसत आहेत. यांचा रिसेप्शन सोहळा देखील पार पडला आहे. रिसेप्शनसाठी स्नेहाने स्टायलिश गाऊन परिधान केला आहे. तर मानसने ब्लॅक थ्रीपी सूट घातला आहे. या दोघांना अनेक कलाकर आणि चाहत्यांकडून शुभेच्छा मिळत आहेत.

अभिनेत्री स्नेहा चव्हाण 2018 मध्ये अभिनेता अनिकेत विश्वासरावसोबत लग्नगाठ बांधली होती. लग्नाच्यादोन वर्षानंतरच ते विभक्त झाले. अनिकेत आणि स्नेहाचा संसार जास्त काळ टिकला नाही. स्नेहाने घटस्फोट घेताना घरगुती हिंसाचार केल्याचे आरोप अनिकेत आणि त्याच्या कुटुंबावर केले होते.