K J Joy Passed Away

दाक्षिणात्य सिनेसृष्टीतून दु:खद बातमी येत आहे. प्रसिद्ध मल्याळम संगीत दिग्दर्शक के.जे.जॉय यांचं निधन झालंय. मिळालेल्या माहितीनुसार, सोमवारी (१५ जानेवारी) जॉय यांनी वयाच्या ७७ व्या वर्षी चेन्नईतील राहत्या घरी अखेरचा श्वास घेतला. जॉय बऱ्याच दिवसांपासून आजारपणामुळे अंथरुणाला खिळून होते. (Tollywood)

प्रसिद्ध मल्याळम संगीत दिग्दर्शक के.जे.जॉय यांच्या पार्थिवावर बुधवारी (१७ जानेवारी) चेन्नईत अंत्यसंस्कार करण्यात येणार आहे. जॉय यांच्या निधनामुळे मल्याळम संगीत जगतावर शोककळा पसरली आहे. (Singer)

FEFKA डायरेक्टर्स युनियन आणि मल्याळम पार्श्वगायक आणि संगीतकार एमजी श्रीकुमार यांनी जॉय यांच्या निधनाबद्दल शोक व्यक्त केला आहे. के.जे.जॉय मल्याळम संगीत जगतातील पहिले 'टेक्नो म्युझिशियन' म्हणून त्यांची ओळख आहे. जॉय यांनी २०० हून अधिक चित्रपटांना संगीत दिलंय. (Bollywood News)

जॉय यांनी १९७५ मध्ये मल्याळम सिनेसृष्टीत पदार्पण केले होते. जॉय यांनी आपल्या सिनेकारकिर्दित अनेक गाण्यांना संगीत दिले आहेत. जॉयच्या गाण्यांना कायमच संगीतप्रेमी खूप उत्तम प्रतिसाद द्यायचे. जॉय यांनी संगीतबद्ध केलेल्या 'जयन' चित्रपटातील गाण्यांनी प्रेक्षकांचे लक्ष वेधून घेतले होते. जॉय यांनी ५०० हून अधिक चित्रपटांमध्ये सहाय्यक संगीत दिग्दर्शकासाठी काम पाहिले आहे. (Entertainment News)