Gaurav-Vanita Dances In America : फिल्टर पाड्याचा बच्चन म्हणून गौरव मोरेला ओळखले जाते. तर कोळीवाड्याची रेखा म्हणून वनिता खरात लोकप्रिय आहे. महाराष्ट्राची हास्यजत्रा या कार्यक्रमामुळे हे दोघेही प्रसिद्ध झाले आहे. हे दोघे नेहमीच सोशल मीडियावरुन फोटो आणि व्हिडिओ शेअर करत असतात.नुकताच गौरव आणि वनिताने अमेरिकेतील एक व्हिडिओ सोशल मीडियावर शेअर केला आहे.

'महाराष्ट्राची हास्यजत्रा' या कार्यक्रमातील कलाकार सध्या अमेरिका दोऱ्यावर आहे. महाराष्ट्राची हास्यजत्रेतील कलाकार अमेरिकेतील फोटो सोशल मीडियावर शेअर करत असतात. दरम्यान गौरवने सोशल मीडियावर वनिता खरातसोबतचा डान्सचा व्हिडिओ शेअर केला आहे.(Latest Entertainment News In Marathi)

गौरवने शेअर केलेल्या व्हिडिओत गौरव आणि वनिता खरात अमेरिकेतील रस्त्यावर गोविंदाच्या 'बडे मिया छोटे मिया' या गाण्यावर डान्स करताना दिसत आहे. अमेरिकेतील रस्त्यावर हे दोघेही अमिताभ बच्चन आणि गोविंदाच्या गाण्यावर मनोसोक्त डान्स करताना दिसत आहे.

गौरवच्या या व्हिडिओवर लाईक्स आणि कमेंट्सचा वर्षाव होत आहे. गौरवने या व्हिडिओला बडे मिया छोटे मिया असे कॅप्शनही दिले आहे.

'महाराष्ट्राची हास्यजत्रा' या कार्यक्रमाने दोन महिन्यांसाठी ब्रेक घेतला आहे. महारष्ट्राची हास्यजत्रेची टीम सध्या परदेशातील मराठी प्रेक्षकांचे मनोरंजन करताना कोणतीही कसर सोडत नाही आहे. अमेरिकेतील शोचे व्हिडिओ नेहमीच कलाकार सोशल मीडियावरुन शेअर करत असतात. सध्या महाराष्ट्राची हास्यजत्रा या कार्यक्रमाच्या जागी 'कोण होणार करोडपती' हा कार्यक्रम प्रदर्शित होत आहे.