मराठी मनोरंजन सृष्टीतील महत्त्वाच्या पुरस्कारांपैकी एक असलेला 'झी मराठीचा चित्र गौरव पुरस्कार 2026' नुकताच थाटामाटात पार पडला आहे. अनेक मोठ्या, नवीन कलाकारांना या सोहळ्यात सन्मानित करण्यात आले आहे. सध्या या सोहळ्याचे फोटो आणि व्हिडीओ सोशल मीडियावर तुफान व्हायरल होत आहेत. 'महाराष्ट्राची हास्यजत्रा ' या कॉमेडी शोमधून प्रेक्षकांच्या घराघरात पोहचलेला अभिनेता समीर चौघुलेचाही सन्मान करण्यात आला आहे. ज्यामुळे त्याचे सर्वत्र कौतुक होताना दिसत आहे.

'महाराष्ट्राची हास्यजत्रा ' मध्ये अनेक वेगवेगळी पात्र करून त्याने प्रेक्षकांना खळखळवून हसवले आहे. अलिकडेच तो सई ताम्हणकरसोबत 'गुलकंद' या चित्रपटात झळकला. या चित्रपटाला प्रेक्षकांकडून खूप प्रेम मिळाले. त्याने आजवर अशा अनेक चित्रपटांमध्ये काम केले आहे. 'गुलकंद' चित्रपटाच्या यशामागे समीर चौघुलेचा मोठा वाटा आहे. समीर चौघुलेला 'गुलकंद' चित्रपटासाठी 'सर्वोत्कृष्ट विनोदी अभिनेता' या पुरस्काराने गौरवण्यात आले आहे. 'गुलकंद' चित्रपट 1 मे 2025 ला थिएटरमध्ये रिलीज झाला. पुरस्कार स्वीकारून समीर चौघुले खूपच खुश आहे.

'गुलकंद' चित्रपटात खूप तगडी स्टारकास्ट पाहायला मिळाली. यात सई ताम्हणकर आणि समीर चौघुले यांची जोडी झळकली. त्यानंतर ईशा डे, प्रसाद ओक, वनिता खरात, मंदार मांडवकर, जुई भागवत, तेजस राऊत आणि शार्विल आगटे हे कलाकार देखील पाहायला मिळाले. पुरस्कारासंबंधित एक खास पोस्ट समीर चौघुले याने सोशल मीडियावर केली आहे. त्याच्या पोस्टवर चाहते, कलाकार आणि मित्रमंडळी कमेंट्स करून शुभेच्छा देताना दिसत आहेत. "अभिनंदन समीर दा!" अशी कमेंट प्राजक्ता माळीने केली आहे. तर "Samyyyyaaaaa तुझा खूप अभिमान आहे..." असे म्हणत अमृता खानविलकरने कौतुक केले आहे.

समीर चौघुले पोस्ट

"झी चित्र गौरव २०२६- सर्वोत्कृष्ट विनोदी अभिनेता (चित्रपट गुलकंद)

रसिक प्रेक्षकांचे मनःपूर्वक आभार ... आणि खास आभार सचिन गोस्वामी सर आणि सचिन मोटे सर यांचे...तुम्ही दाखवलेल्या विश्वासामुळे हे शक्य झाले आहे... इशा डे तुला ही सर्वोत्कृष्ट विनोदी अभिनेत्री या भागात पुरस्कार मिळाला आहे...तुझे आभाळा एवढे कौतुक...Everest Entertainment चे मनापासून आभार...माझे गुरु विश्वास सोहोनी यांना प्रणाम....last but not the least special thanks to सई ताम्हणकर आणि प्रसाद ओक..."