बॉलिवूड मधील दिग्गज अभिनेत्री म्हणजे माधुरी दीक्षित. माधुरीच्या सौंदर्याची भुरळ चाहत्यांमध्ये आजही कायम आहे. आज 'धक धक गर्ल' माधुरी दीक्षितचा ५७ वा वाढदिवस आहे. माधुरी दीक्षितच्या करिअरमध्ये ७० हून अधिक चित्रपट केले आहेत. अभिनेत्रीने आपल्या सिनेकरियरमध्ये अनेक हिट चित्रपट दिलेले आहेत. माधुरीच्या वाढदिवसानिमित्त जाणून घेऊया तिच्या संपत्तीबद्दल...

मीडिया रिपोर्ट्सनुसार, माधुरी दीक्षितची एकूण संपत्ती २४८ कोटी रुपयां इतकी आहे. मीडिया रिपोर्ट्सनुसार, माधुरी एका चित्रपटासाठी सुमारे ४ ते ५ कोटी रुपये घेते. माधुरी ब्रँड प्रमोशनमधूनही भरपूर कमाई करते. त्यासोबतच ती काही डान्स शोचं ही जज म्हणून काम पाहते. ती एका रिॲलिटी डान्स शोच्या सीझनसाठी २५ कोटी रुपये घेते. यासोबतच ती अनेक ब्रँड्सना एंडोर्स करते. तर अभिनेत्री एका ब्रँडची जाहिरात करण्यासाठी सुमारे ८ कोटी रुपये इतके मानधन आकारते..

माधुरीला महागड्या कार्सचीही प्रचंड आवड आहे. तिच्याकडे ऑडी, टोयोटा इनोवा क्रिस्टल, रोल्स रॉयस आणि स्कोडा रैपिड अशा अनेक महागड्या कार्स आहेत. माधुरीच्या सौंदर्य, स्टाईल, अभिनय आणि डान्सचे कायमच चाहते कौतुक करीत असतात. जवळपास ४० वर्षांच्या सिनेकारकिर्दीत माधुरीने ७० हून अधिक चित्रपटांमध्ये काम केले आहे. माधुरीच्या नावावर अनेक बिझनेस देखील आहे. या माध्यमातून माधुरी कोट्यवधी रूपये कमावते.