नृत्यांगना गौतमी पाटील(Gautami Patil) कायम आपल्या हटके डान्समुळे चर्चेत असते. तिने आपल्या सौंदर्याने आणि नृत्याने चाहत्यांना वेड लावले आहे. तिच्या कातिल अदा पाहून चाहते नेहमीच घायाळ होतात. तिच्या गाण्याची चाहते आतुरतेने वाट पाहत असतात. त्यामुळे गौतमीच्या चाहत्यांसाठी एक आनंदाची बातमी समोर आली आहे. गौतमी नवीन एका गाण्यामधून प्रेक्षकांच्या भेटीला लवकरच येणार आहे.

नुकताच गौतमी पाटीलने एक व्हिडीओ शेअर केला आहे. ज्यातती नवीन गाण्याची शूटिंग करताना दिसत आहे. व्हिडिओमध्ये गौतमीने देवाची पूजा करून नवीन कामाला सुरुवात केलेली पाहायला मिळत आहे. पुढे व्हिडीओत ती डान्स आऊटफिटमध्ये दिसत आहे. तसेच स्टेजवर नवीन गाण्याची डान्स प्रॅक्टिस करताना दिसत आहे. गौतमीने सुंदर लाल रंगाचा आऊटफिट परिधान केला आहे.

गौतमी पाटीलचा नवीन प्रोजेक्ट एंजल्स डान्स अकादमी पुणे यांच्यासोबत आहे. चाहते गौतमी पाटीलच्या नवीन गाण्यासाठी खूप उत्सुक असल्याचे पाहायला मिळत आहेत. गौतमी पाटीलच्या या व्हिडीओवर चाहत्यांकडून कमेंट्स आणि लाइक्सचा वर्षाव होताना दिसत आहे. मात्र अद्याप गाण्याची कोणतीही अधिकृत माहिती समोर आली नाही आहे. गौतमीने आपल्या नृत्याच्या जोरावर महाराष्ट्रात स्वतःची ओळख निर्माण केली आहे.

वर्कफ्रंट

अलिकेड गौतमी पाटील अनेक मालिकांमध्ये झळकली आहे. तसेच तिने मालिकांमध्ये देखील काम केले आहे. तिच्या गाण्यांनी सोशल मीडियावर धुमाकूळ घातला आहे. गौतमी पाटील अलिकडेच 'शिट्टी वाजली रे' या कुकिंग शोमध्ये पाहायला मिळाली. तसेच तिच्या 'देवमाणूस' मधील एन्ट्रीने तर चाहते खूपच खुश झाले होते. अलिकडेच गौतमी पाटीलचे 'सुंदरा' हे रोमँटिक गाणं प्रेक्षकांच्या भेटीला आले आहे. या गाण्याला प्रेक्षकांनी भरपूर पसंती दिली आहे.