Katrina Kaif Shared Post For Her Assistant : कतरिना कैफ-विकी कौशल हे बॉलिवूडमधील क्यूट कपल आहे. विकी-कतरिना नेहमीच सोशल मीडियावरुन एकमेकांचे फोटो शेअर करत असतात. आता कतरिनानाच्या एका पोस्टने नेटकऱ्यांचे लक्ष वेधलं आहे. ही पोस्ट कतरिनाने नवरा विकी कौशलसोबत नाही तर तिचा असिस्टंट अशोक शर्मासाठी केली आहे.

कतरिना नेहमीच सोशल मीडियावरुन फोटो शेअर करत असते.काही दिवसांपूर्वीच कतरिनाने नवरा विकी कौशलसोबत मॉर्निंग कॉफीचा फोटो शेअर केला होता. त्यांच्या या फोटोने चाहत्यांना मात्र फार आनंद झाला होता. पण आता कतरिनाने सोशल मीडियावरुन असिस्टंट अशोक शर्माचे कौतुक केले आहे.(Latest Entertainment News In Marathi)

कतरिना आणि तिचे असिस्टंट अशोक शर्मांना एकत्र काम करुन २० वर्ष झाले. त्यानिमित्त कतरिनाने सोशल मीडियावर पोस्ट केली आहे.कतरिनाने अशोक शर्मा सोबतचा फोटो सोशल मीडियावर शेअर केला आहे. हा फोटो व्हॅनिटीमध्ये काढल्याचं दिसत आहे.

'आज वीस वर्ष पूर्ण झाली...अशोक शर्मा.

गेल्या 20 वर्षात या व्यक्तीने माझ्यासोबत सर्वाधिक वेळ घालवला आहे. हसण्यापासून ते मला आधार देण्यापर्यंत ते मी जे पिण्यासाठी मागितले ते माझ्यासाठी वाईट आहे यासाठी माझ्याशी भांडण्यापर्यंत. मला काय हवंय हे ओळखेपर्यंत. जर मला सेटवर काही त्रास झाला तर माझे अश्रू पुसेपर्यंत. तो नेहमी सोबत असतो.

आम्ही या सर्व गोष्टींमधून गेलो आहोत, त्याचा रोजचा हसरा चेहरा, मला काय हवे आहे हे माझ्या आधी त्याला कळतं.नेहमी माझ्यावर लक्ष ठेवून असतो. पुढील २० वर्षेही असेच एकत्र काम करु'. असं कॅप्शन दिले आहे.

कतरिनाच्या या पोस्टवर लाईक्स आणि कमेंट्सचा वर्षाव होत आहे. कलाकार नेहमीच त्यांच्यासोबत काम करणाऱ्या व्यक्तींबद्दल बोलत असतात,त्यांच कौतुक करत असतात.त्यात कतरिनाने केलेल्या या पोस्टवर अनेक सेलिब्रिंटींनी कमेंट्स केल्या आहेत. कतरिनाच्या या पोस्टवर प्रियांका चोप्रानेही कमेंट केली आहे. प्रियांकाने कमेंटमध्ये 'बेस्ट' असं लिहलं आहे.तर निम्रत कौरने 'लव्ह इट' असे लिहलं आहे.