मुंबई: बॉलिवूडची बेबो म्हणजेच करीना कपूर खान (Kareena Kapoor) 'लाल सिंह चड्ढा' नंतर आगामी चित्रपटासाठी सज्ज झाली आहे. करिना कपूरचा लाल सिंह चड्ढा या चित्रपटाने (Laal Singh Chadha) बॉक्स ऑफिसवर फारसा प्रभाव पाडला नाही. परंतु, चित्रपटातील करिनाच्या अभिनयाने प्रेक्षकांची मने जिंकली आहेत. लवकरच करिना एका वेगळ्या भूमिकेतून चाहत्यांच्या भेटीला येत आहे.

बहुचर्चित लाल सिंह चड्ढानंतर करीना कपूर तिच्या आगामी चित्रपटामध्ये व्यग्र आहे. करीनाच्या आगामी चित्रपटाबद्दल चाहतेही प्रचंड उत्सुक आहेत. माहितीनुसार, चित्रपटात अभिनेत्री करिना कपूर केवळ अभिनय नव्हे, तर चित्रपटाची निर्मिती देखील करत आहे.

मेहता दिग्दर्शित हा चित्रपट क्राईम थ्रिलर आहे. परंतु चित्रपटाच्या निर्मात्यांनी अद्यापही चित्रपटाच्या शिर्षकाबाबत खुलासा केला नाही. माहितीनुसार चित्रपटात करीना कपूर मुख्य भूमिकेत असून ती एका गुप्तहेर पोलीस ऑफिसरची व्यक्तिरेखा साकारणार आहे. विशेष म्हणजे हा चित्रपट महिलांवरील विषयावर असणार आहे.

करीना कपूर तिच्या आगामी चित्रपटाच्या स्क्रिप्टमध्ये व्यग्र आहे. माहितीनुसार, चित्रपटाचे शूटिंग लंडनमध्ये होणार आहे. लाल सिंह चड्ढा या चित्रपटानंतर करीनाला या आगमी चित्रपटाकडून खूप अपेक्षा आहेत. यामुळेच चित्रपट आता बॉक्स ऑफिसवर काय जादू करतो? हे पाहणे औत्सुक्याचे असेल.