‘टॉडलर्स अँड टियाराज’ या मालिकेत काम करणारी बाल कलाकार कॅलिया पोसीचे (Kailia Posey) हिचे वयाच्या १६ व्या वर्षी निधन झाले आहे. तिच्या मृत्यूचे कारण अद्याप अस्पष्ट आहे.कॅलियाच्या मृत्यूमुळे तिच्या कुटुंबावर दुःखाचा डोंगर कोसळला आहे. सोशल मीडियावर (Social Media) पोस्ट शेअर करत कॅलियाच्या आईने तिच्या निधनाची बातमी दिली आहे. (Kailia Posey passed away)

पोसीने अमेरिकेतील टीव्ही रिअॅलिटी मालिका 'टॉडलर्स अँड टियारस'मध्ये काम केले आहे. या मालिकेत ती आपल्या आईसोबत दिसली होती. तिच्या आईने फेसबुकवर मुलीचा फोटो शेअर करत एक भावनिक पोस्ट शेअर केली आहे.

'माझ्याकडे शब्द नाहीत, माझी सुंदर मुलगी आम्हला सोडून गेली आहे. कृपया आम्हाला प्रायव्हसी द्या... कारण कॅलियाच्या निधनाने आम्हाला धक्का बसला आहे. असे कॅप्शन मार्सी यांनी या फोटोला दिले आहे. कॅलिया पोसी वयाच्या 5 व्या वर्षी एका व्हायरल GIF मुळे चर्चेत आली होती. सोशल मीडियावर कॅलियाचे चाहते दुःख व्यक्त करत आहेत. सोशल मीडियाच्या माध्यामातून अनेकजण तिला श्रद्धांजली वाहत आहेत.

Edited By - Shivani Tichkule