Anjali Arora Buy New House In Mumbai:

'कच्चा बादाम' (Kacha Badam) या गाण्यावर रील्स तयार करून रातोरात स्टार झालेली अंजली अरोरा (Anjali Arora) सोशल मीडियावर नेहमी चर्चेत असते. सोशल मीडिया सेंसेशन अंजली अरोरा आपल्या पर्सनल लाइफमुळे सर्वात जास्त चर्चेत असते. काही दिवसांपूर्वी अंजलीचा एमएमएस सोशल मीडियावर व्हायरल झाला होता. त्यानंतर आता अजंली पुन्हा चर्चेत आली आहे. यामागचे कारण म्हणजे अंजलीने मुंबईमध्ये आलिशान घर खरेदी केले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

२४ वर्षांच्या अंजली अरोराने मुंबईमध्ये घर खरेदी केले आहे. आता ती दिल्लीवरून मुंबईमध्ये राहायला येणार आहे. अंजलीने नुकताच आपल्या कुटुंबासोबत नव्या घरामध्ये प्रवेश केला. गृहप्रवेशाच्या पूजाचे व्हिडीओ तिने सोशल मीडियावर पोस्ट केला आहे. तिचा हा व्हिडीओ व्हायरल होत आहे. या व्हिडीओमध्ये अंजलीचे आई-बाबा आणि कुटुंबातील इतर सदस्य दिसत आहेत.

व्हायरल होणाऱ्या व्हिडीओमध्ये दिसत आहे की, अंजलीचे नवीन घर खूपच आलिशान आहे. अंजलीने पिंक कलरचा ड्रेस घातला आहे. ती कुटुंबासोबत नव्या घरामध्ये पूजा करताना दिसत आहे. अंजली अरोराने नवं घर खरेदी केलं ही आनंदाची गोष्ट आहे. तिच्या चाहत्यांना याचा आनंद झाला खरा पण काही नेटिझन्सनी तिला ट्रोल केले आहे. 'इतक्या कमी वयात कठून ऐवढे पैसे कमावले की ऐवढं मोठं घर खरेदी केलं?', 'अंजलीकडे ऐवढे पैसे कुठून आले?', 'ही मॅडम काय नोकरी करते की हिने मुंबईमध्येत आलिशान घर घेतलं?', 'ही इतके पैसे कुठून कमावते?' अशाप्रकारचे सवाल नेटिझन्स तिला करत आहे.

दरम्यान, अंजली अरोरा सोशल मीडियावर खूप सक्रिय असते. आपल्या हटके डान्स व्हिडिओंमुळे ती खूपच प्रसिद्ध झाली आहे. अंजलीची सोशल मीडियावर जबरदस्त फॅन फॉलोइंग आहे. सोशल मीडियावर ती जबरदस्त फोटो आणि डान्सचे व्हिडीओ शेअर करत असते. यामुळे ती नेहमीच चर्चेत राहते. तिने अनेक म्युझिक व्हिडीओमध्ये काम केले आहे. त्याचसोबत ती कंगना रनौतच्या 'लॉकअप'शो मध्ये सहभागी झाली होती.