मराठी मालिकाविश्वातील सर्वात प्रसिद्ध मालिकांपैकी एक म्हणजे 'जुळून येती रेशीमगाठी'(Julun Yeti Reshimgathi). जुळून येती रेशीमगाठी मालिका प्रेक्षक आजही पाहतात. मालिकेतील मेघना- आदित्य ही जोडी चाहत्यांना खूपच आवडली होती. मालिकेतील इतर कलाकारांनीही चाहत्यांना वेड लावले होते. मालिकेतील कलाकार आजही अनेक कारणांनी चर्चेत असतात. दरम्यान, मालिकेतील एक कलाकार लग्नबंधनात अडकला आहे.

जुळून येती रेशीमगाठी मालिकेतील 'आदित्य नगरकर' लग्नबंधनात अडकला आहे. आदित्य नगरकर म्हणजे अभिनेता 'कौस्तुभ दिवाण'ने (Kaustubh Diwan)लग्न केले आहे. कौत्सुभने किर्ती कदम हिच्याशी लग्नगाठ बांधली आहे. कौस्तुभच्या लग्नाचे फोटो सध्या सोशल मीडियावर प्रचंड व्हायरल होत आहे.

कौस्तुभ आणि किर्तीच्या लग्नाला मराठी कलाकारांनीही हजेरी लावली होती. कौस्तुभच्या लग्नाला अभिनेता आस्ताद काळे, स्वप्नाली पाटील, मेधा धाडे, शिल्पा नवलकर, अभिजीत केळकर या कलाकारांनी हजेरी लावली होती. कौस्तुभच्या लग्नाचे आणि रिसेप्शनचे फोटो सोशल मीडियावर शेअर करण्यात आले आहे. कौस्तुभ आणि किर्तीने लग्नविधीसाठी अगदी पारंपारिक लूक केला होता.किर्तीने नऊवारी साडी नेसली होती. तर कौस्तुभने ऑफ व्हाइट कलरचा कुर्ता आणि धोतर परिधान केले होते. रिसेप्शनला नवरीने घागरा तर कौस्तुभने ब्लॅक ब्राउन कलरची शेरवानी असा लूक केला होता. दोघेही या लूकमध्ये खूप सुंदर दिसत होते.

कौस्तुभच्या वर्कफ्रंटबद्दल बोलायचे झाले तर, तो अनेक मालिका आणि चित्रपटांमध्ये झळकला आहे. त्याने जुळून येती रेशीमगाठी, बंध रेशमाचे, तुझं माझ सपान या मालिकांमध्ये काम केले आहे.