प्रसिद्ध मराठी चित्रपट निर्माता आणि अभिनेता हेमंत ढोमेचा काल (21 मार्च) वाढदिवस होता. हेमंतने आपल्या वाढदिवसानिमित्त चाहत्यांना धमाकेदार सरप्राइज दिले आहे. त्यांने आपल्या नवीन चित्रपटाचे पोस्टर शेअर करून चित्रपटाची रिलीज डेटही जाहीर केली आहे. गेल्याकाही दिवसापासून हेमंत ढोमे 'क्रांतिज्योती विद्यालय मराठी माध्यम' या चित्रपटामुळे चर्चेत आहे. या चित्रपटाला अवघ्या जगभरात भरपूर प्रेम मिळाले आहे. 'क्रांतिज्योती विद्यालय मराठी माध्यम' चित्रपटाच्या यशानंतर हेमंत ढोमे पुन्हा एकदा 'झिम्मा' घेऊन प्रेक्षकांच्या भेटीला येणार आहे.

हेमंत ढोमेने 'झिम्मा ३'चे पोस्टर रिलीज केले आहे. या पोस्टमध्ये चित्रपटाचा हिरो सिद्धार्थ चांदेकर दिसत आहे. एका नवीन लोकेशन सोबत सिद्धार्थ ट्रिप प्लान करणार आहे. पोस्टमध्ये सिद्धार्थ चांदेकर एका समुद्रकिनारी डोक्याला हात लावून उभा असलेला पाहायला मिळत आहे. त्यांच्या चेहऱ्यावर गोंधळ दिसत आहे. त्याच्या आजूबाजूला अनेक बॅग्स दिसत आहेत. 'झिम्मा ३' चित्रपटाचे दिग्दर्शन आणि लेखन हेमंत ढोमे यांचे आहे. तर निर्मिती क्षिती जोगची आहे.

'झिम्मा ३'च्या नवीन पोस्टरला खूप खास कॅप्शन देण्यात आले आहे. यात असे लिहिलं की, "आपला आनंदाचा खेळ 'यावेळी तिसराच आहे'! झिम्मा ३" चित्रपटाच्या या पोस्टवर चाहते आणि कलाकार मंडळी कमेंट्सचा, कौतुकाचा आणि शुभेच्छांचा वर्षाव करत आहे. 'झिम्मा ३' चित्रपट 1 जानेवारी 2027 ला थिएटरमध्ये रिलीज होणार आहे. नवीन वर्षात पु्न्हा एकदा झिम्माचा खेळ रंगणार आहे. 'झिम्मा' च्या पहिल्या दोन भागांना प्रेक्षकांनी भरपूर प्रेम दिले आहे. आता चाहते 'झिम्मा ३'ची उत्सुकतेने वाट पाहत आहे.

'झिम्मा' फ्रेंचायझीचा तिसरा भाग देखील सुपरहिट होईल असा विश्वास प्रेक्षक दाखवत आहे. 'झिम्मा' 2021 ला थिएटरमध्ये रिलीज झाला होता आणि 'झिम्मा 2' चित्रपट 2023 ला प्रेक्षकांच्या भेटीला आला होता. दोन्ही चित्रपटाची कथा प्रेक्षकांना खूप आवडली. चित्रपटांनी बॉक्स ऑफिसवर चांगली कमाई केली. चित्रपटाची गाणी आजही सोशल मीडियावर गाजतात. चित्रपटात तगडी स्टारकास्ट पाहायला मिळाली. आता 'झिम्मा ३'मध्ये कोण कोण झळकणार हे पाहणे महत्त्वाचे ठरणार आहे.