अभिनेता अभिषेक बच्चन आणि अभिनेत्री ऐश्वर्या रॉय यांच्या नात्याबाबत मागील अनेक महिन्यापासून चर्चा रंगल्या आहेत. सोशल मीडियावर या दोघांच्या घटस्फोट होणार असल्याचं बोललं जातं होतं.यावर अभिषेक बच्चनने प्रतिक्रिया देत या चर्चांना पूर्णविराम दिला. त्याने आमच्या नात्यात सर्वकाही सुरळीत असल्याचे सांगितले होते. आता पुन्हा अभिनेता अभिषेक बच्चन वैवाहिक आयुष्यामुळे चर्चेत आला आहे.

२००७ मध्ये अभिषेक आणि ऐश्वर्या लग्नबंधनात अडकले. लग्नाआधीपासूनच या दोघांना अनेक संकटांना सामोरे जावे लागले होते. या प्रसिद्ध कपलच्या लग्नात अनेक अडचणी आल्या होत्या. बॉलिवूडचे महानायक अमिताभ बच्चन यांचा मुलगा असुनही यांच्या लग्नात फार कमी लोकांना आमत्रंण देण्यात आलं होतं. यामागचं कारणही तसचं आहे. अभिषेक आणि ऐश्वर्या याचं लग्न होऊ नये म्हणून अभिनेत्री जान्हवी कपूरने तिच्या हाताची नस कापली होती.

जान्हवीने अभिषेक बच्चनसाठी तिच्या हाताची नस कापली होती, तिने अभिषेक बच्चन आणि माझं लग्न झालं आहे. असा गंभीर आरोप केला होता. जान्हवीने, २००६ मध्ये अभिषेकने माझ्याशी गुपचूप लग्न केल्याचा दावा केला होता. इतकच नाहीतर, याबाबतची तक्रार जान्हवीने पोलिसांत देखील दाखल केली होती. परंतू कोणतेही पुरावे नसल्याने पोलिसांनी कोणतीही कारवाई केली नाही.

अभिषेक आणि ऐश्वर्या यांच्या लग्नाला १७ वर्षे झाली आहेत. २००६ मध्ये उमराव जान चित्रपटाच्या शूटिंगदरम्यान ऐश्वर्या आणि अभिषेक एकमेकांच्या प्रेमात पडले. यानंतर १४ जानेवारी २००७ मध्ये हे दोघेंही लग्नबंधनात अडकले. या दोघांनाही एक मुलगी आहे जिचं नाव आराध्या आहे. हे कुटुंब सोशल मीडियावर अनेकदा स्पॉट होतं.