'इंडियन आयडल 12'चा विजेता पवनदीप राजनचा (Pawandeep Rajan) अलिकडेच भयानक अपघात झाला आहे. आता त्याच्या तब्येतीत सुधारणा पाहायला मिळत आहे. अशात आता पवनदीप राजनचा एक व्हिडीओ सोशल मीडियावर तुफान व्हायरल होताना दिसत आहे. व्हायरल होणाऱ्या व्हिडीओमध्ये पवनदीप हॉस्पिटमध्ये गाणे गाताना पाहायला मिळत आहे. त्यांच्या या व्हिडीओवर चाहत्यांकडून कमेंट्स आणि लाइक्सचा वर्षाव होत आहे.

पवनदीपच्या व्हायरल होणाऱ्या व्हिडीओमध्ये तुम्ही पाहू शकता की, पवनदीप हॉस्पिटच्या बेडवर बसून गाणे गात आहे. खूप वेळानंतर त्याचा आवाज ऐकून चाहते वेडे झाले आहेत. त्याने 'जो भेजी थी दुआ' हे गाणे गायले आहे. त्याच्या आवाजातील चढउतार पाहून प्रेक्षक भारावून गेले आहेत. हे गाणे इमरान हाश्मीच्या 'शंघाई' चित्रपटातील आहे. चित्रपटात हे गाणे अरिजीत सिंह याने गायले आहेत. या व्हिडीओवर चाहते लाईक्स आणि कमेंट्सचा वर्षाव करत आहेत.

पवनदीप राजनचा अपघात

अलिकडेच पवनदीप दिल्ली जात असताना त्याच्या कारचा भीषण अपघात झाला. त्याच्या कारचा चालक झोप लागली आणि कारचा ताबा सुटला. त्यामुळे कार एका ट्रकला धडकली आणि पवनदीप गंभीर जखमी झाला. सध्या पवनदीपवर आयसीयूमध्ये उपचार सुरु होते.

'इंडियन आयडल 12'

पवनदीप राजन मूळचा उत्तराखंडचा आहे. 'इंडियन आयडल 12' विजेता झाल्यावर त्याचे आयुष्य बदलले. त्याने आजवर अनेक सुरेल गाणी गायली आहेत. त्याच्या म्युझिक कॉन्सर्टला चाहत्यांची गर्दी पाहायला मिळते. पवनदीप राजनला पुन्हा गाताना पाहून चाहते खूपच खुश झाले आहेत. चाहते कमेंट्समध्ये त्याच्या गाण्याचे कौतुक आणि तो लवकर बरा व्हावा म्हणून प्रार्थना करत आहेत.