Sasural Simar 2: ससुराल सिमरका ही लोकप्रिय हिंदी मालिका बंद पडण्याच्या मार्गावर आहे. लवकरच ही मालिका प्रेक्षकांचा निरोप घेणार असल्याची चर्चा सुरू आहे. २६ एप्रिल २०२१ पासून ही मालिका सुरू झाली. गेल्या दोन वर्षांत या मालिकेने प्रेक्षकांचे भरभरून मनोरंजन केले. मात्र आता ही मालिका बंद पडणार अशी माहिती समोर आली आहे. (Sasural Simar 2)

'ससुराल सिमरका २' या मालिकेचे आतापर्यंत ६१९ एपिसोड पूर्ण झाले आहेत. या मालिकेचा पहिला सीझन चाहत्यांनी अगदी डोक्यावर घेतला. मात्र आता ही मालिका फार लांबत चालली आहे. त्यामुळे अनेक प्रेक्षकांनी या मालिकेकडे पाठ फिरवली. मालिकेचा टीआरपी सध्या मोठ्याप्रमाणावर घसरला आहे. त्यामुळे सदर मालिका बंद करण्याचा निर्णय निर्मात्यांनी घेतलाय.

'ससुराल सिमर का' ही मालिका सुरूवातीला फार जोरदार चालली. मालिकेला मिळालेलं प्रेम आणि प्रेक्षकांची मागणी लक्षात घेत निर्मात्यांनी या मालिकेचा पुढील सीझन दाखलवण्याचा निर्णय घेतला. हा सीझनने देखील सुरूवातीच्या काही आठवड्यांमध्ये मोठी कमाई केली.

सीझन २ मध्ये मालिकेमध्ये राधिका मुथुकुमार, अलिनाश मुखर्जी, तान्या शर्मा आणि करण शर्मा यांसारखे कलाकला होते. ही मालिका बंद होण्यामागे आणखीन एक मोठं कारण असल्याचं म्हटलं जात आहे. पहिल्या सीझनमध्ये सिमर हे पात्र अभिनेत्री दीपिका कक्करने साकारलं होतं. सिमर म्हणून दीपिका घराघरात पोहचली होती.

दुसरा सीझन सुरू झाला तेव्हा या मालिकेमध्ये सिमर हे पात्र राधिका मुथुकुमार या अभिनेत्रीला देण्यात आले. तिने देखील या पात्राला पूर्णपणे न्याय दिला. मात्र दुसऱ्या सीझनची घोषणा झाली तेव्हा पुन्हा एकदा दीपिकाला पाहण्यासाठी प्रेक्षक उत्सूक झाले होते. मालिका सुरू झाल्यावर दुसरी अभिनेत्री असल्याचे समजल्यावर अनेक व्यक्तींनी तेव्हाच या मालिकेकडे पाठ फिरवली होती.