अभिनेत्री हिना खान काही दिवसांपासून तिच्या वैयक्तिक आयुष्यामुळे चर्चेत आहे. ‘ये रिश्ता क्या कहलाता है’ मालिकेतून प्रसिद्धी झोतात आलेल्या हिना खानला ब्रेस्ट कॅन्सर झालेला आहे. अभिनेत्रीने याबद्दलचे वृत्त सोशल मीडियावरून दिली होती. अशातच आता अभिनेत्रीवर उपचार सुरू आहेत. अभिनेत्रीचे हॉस्पिटलमधील काही फोटोज सध्या व्हायरल होत आहे.

अभिनेत्रीने इन्स्टाग्रामवर तिचा हॉस्पिटलमधील एक व्हिडिओ शेअर केलेला आहे. या शेअर केलेल्या व्हिडिओमध्ये, ती आनंदी दिसत आहे. गंभीर आजार होऊनही अभिनेत्रीच्या चेहऱ्यावर स्माईल दिसत आहे. लवकरच अभिनेत्रीवर आता कीमोथेरेपीला सुरूवात होणार आहे. त्यापूर्वी ती हॉस्पिटलमध्ये दाखल झालेली आहे. हॉस्पिटलमध्ये दाखल होण्यापूर्वी अभिनेत्री एका अवॉर्ड इव्हेंटमध्येही गेली होती. या ठिकाणी जाऊन तिला आनंदही झालेला दिसत आहे. अभिनेत्रीने या दरम्यान, पापाराझींना फोटो पोजेसही दिल्या.

हिना खानने शेअर केलेल्या व्हिडिओवर मौनी रॉय, क्षिती जोग, जुही परमारसह अनेक सेलिब्रिटींनी तिला धीर दिला असून लवकरात लवकर बरी हो, अशी कमेंट केली आहे. हिना खान हिला "ये रिश्ता क्या कहलाता" मालिकेतून विशेष ओळख मिळाली आहे. या शोमध्ये तिने सुसंस्कृत सुनेची भूमिका साकारली. तिच्या कॅरेक्टरचं नाव अक्षरा असं आहे. त्यानंतर हिना "बिग बॉस 11" मध्येही दिसली होती. बिग बॉसमुळेही तिला विशेष लोकप्रियता मिळाली. टेलिव्हिजन शो व्यतिरिक्त, तिने वेब शो आणि चित्रपटांमध्ये काम केले आहे. हिना खानने अनेक म्युझिक व्हिडिओंमध्येही काम केले आहे.