सर्वांचा आवडता 'हेरा फेरी' चित्रपट पुन्हा एकत्र प्रेक्षकांच्या भेटीला येणार आहे. 'हेरा फेरी 3' ची चाहते आतुरतेने वाट पाहत आहेत.'हेरा फेरी 3' मध्ये (Hera Pheri 3) देखील अक्षय कुमार, परेश रावल आणि सुनील शेट्टी हे कॉमेडीचे त्रिकूट पाहायला मिळणार आहे.

अलिकडेच अभिनेता अक्षय कुमार (Akshay Kumar) , सुनील शेट्टी (Suniel Shetty) आणि परेश रावल (Paresh Rawal) मुंबईला एअरपोर्टवर (Mumbai Airport) स्पॉट झाले आहेत. त्यांचा हा व्हिडिओ सोशल मीडियावर तुफान व्हायरल होत आहे. एअरपोर्टवर तिन्ही सुपरस्टार कॅज्युअल लूकमध्ये पाहायला मिळाले. बॉलिवूडचा खिलाडी अक्षय कुमारने ब्लॅक शर्ट आणि ग्रे पँट परिधान केली होती. सनग्लासेस घालून अक्षय कुमार खरचं बॉस वाटत होता. अभिनेता सुनील शेट्टीने पांढऱ्या रंगाचे कपडे घातले असून सनग्लासेस लावून कूल लूक केला होता. तर अभिनेता परेश रावल सिंपल लूकमध्ये पाहायला मिळाले. त्यांनी ब्लू प्रिंटेड शर्ट आणि नेव्ही ब्लू पॅन्ट घातली होती.

अक्षय, सुनील आणि परेश यांच्या एअरपोर्टवर व्हिडिओ चाहत्यांनी अनेक कमेंट्स केल्या आहेत. हे त्रिकूट तब्बल 24 वर्षांनंतर पुन्हा एकत्र स्पॉट झाले आहे. 'हेरा फेरी' हा चित्रपट 2000 साली प्रदर्शित झाला होता. जेव्हा हे तिघं एअरपोर्टवर स्पॉट झाले तेव्हा चाहत्यांनी 'हेरी फेरी 3' चित्रपटाची मागणी केलेली पाहायला मिळत आहे. या व्हिडिओमधून तिघांचे सुंदर बाँडिंग दिसून येत आहे. तेव्हा एका चाहत्यांनी विचारले की, हेरा फेरी पुन्हा?'