Genelia Deshmukh Watch Heeramandi Web Series

भव्य दिव्य सेट, दर्जेदार कथानक आणि कलाकारांचा राजेशाही थाट यामुळे संजय लीला भन्साळी ‘हिरामंडी’ वेबसीरीजची सध्या जोरदार चर्चा होत आहे. या वेबसीरीजचं दिग्दर्शन संजय लीला भन्साळी करीत आहे. नुकतंच या वेबसीरीजच्या प्रीमियरचं आयोजन करण्यात आलं होतं. यावेळी अवघं बॉलिवूड इंडस्ट्री अवतरली होती. वेबसीरीज पाहिल्यानंतर अभिनेत्री जेनेलिया देशमुखने चित्रपटाचा रिव्ह्यू शेअर केलेला आहे. अभिनेत्रीने इन्स्टाग्रामवर चित्रपटाबद्दल पोस्ट शेअर केली आहे. (Bollywood)

जेनेलियाने तिच्या इन्स्टास्टोरीवर संजय लीला भन्साळीसोबत एक फोटो शेअर केलेला आहे. स्टोरी शेअर करताना तिने 'हिरमंडी'चा रिव्ह्यूही तिने शेअर केलेला आहे. पोस्टमध्ये जेनेलिया म्हटली की, "मी आता ‘हिरामंडी’चे फक्त २ एपिसोड पाहिलेत. आता मला पुढचे एपिसोड पाहण्याची आणखी इच्छा आहे. खूप सुंदर अभिनय, सेटची भव्यदिव्यता, डोळे दिपवून टाकणारा सेट, खूप सुंदर कलाकृती. सर्वांनाच मंत्रमुग्ध केलंस. सर्वच स्टारकास्टचा सुंदर अभिनय आहे." अशी प्रतिक्रिया जेनेलियाने दिलेली आहे. (Bollywood Actress)

भव्य दिव्यता, रोमान्स आणि ड्रामा असलेल्या ‘हिरामंडी’ वेबसीरीजमध्ये प्रमुख भूमिकेत, सोनाक्षी सिन्हा, मनीषा कोईराला, आदिती राव हैदरी, रिचा चड्ढा, अध्यायन सुमन, शेखर सुमन, फरदीन खान, संजीदा शेख आणि ताहा शाह बदुशा आहे. 'हीरमंडी : डायमंड बझार' ही सीरिज येत्या १ मे रोजी ‘नेटफ्लिक्स’ या ओटीटी प्लॅटफॉर्मवर रिलीज होणार आहे. या वेबसीरिजच्या माध्यमातून दिग्दर्शक संजय लीला भन्साळी ओटीटीविश्वात पदार्पण करत आहेत. नेटफ्लिक्सवरील ही अत्यंत महागड्या वेबसीरिजपैकी एक वेबसीरीज असल्याचं बोललं जात आहे. (Entertainment News)