Shahid Kapoor: शाहिद कपूर आज त्याचा ४२ वा वाढदिवस साजरा करत आहे. आज शाहिदचीच सगळीकडे हवा आहे. ९० च्या दशकात शाहिदने आपल्या चित्रपटांतून मोठा नावलैकिक मिळवला. बॉलिवूडच्या या चॉकलेट बॉयचे अनेक प्रसिद्ध अभिनेत्रींबरोबर अफेर राहिले आहेत. आज या बातमीतून शाहिदच्या आयुष्यातील कधीही न वाचलेल्या रंजक गोष्टी जाणून घेऊ. (Latest Shahid Kapoor News)

शाहिदने आतापर्यंत अनेक मुलींना डेट केलं आहे. त्याने डेट केलेल्या अभिनेत्रींची यादी देखील भलीमोठी आहे. मात्र बॉलिवूडच्या बेबोसोबत शाहिदचं नाव बराच काळ गाजलं. जब वी मेट या चित्रपटावेळी या दोघांच्या प्रेमकहाणीला सुरूवात झाली. या चित्रपटातील त्यांच्या ऑन स्क्रिन केमेस्ट्रीने देखील चाहत्यांची मने जिंकून घेतली.

शाहिदचं पहिल्या नजरेतलं प्रेम

करीना कपूर शाहिदसाठी त्याच्या पहिल्याच नजरेतलं प्रेम आहे असं त्याने स्वत:एका मुलाखतीमध्ये सांगितलं होतं. मात्र त्याचं हे प्रेम काही दिवसचं टिकलं. मुलाखतीमध्ये शाहिदने सांगितलं होतं की, चित्रपटानंतर त्यांच्यामधील भेटीगाठी कमी झाल्या. ते दोघे फार कमी वेळ एकमेकांना भेटू लागले.

शाहिदने पुढे हे देखील सांगितलं की, करीना आणि तो दोघेही विरुद्ध विचारांचे आहेत. करीना अगदीच बडबडी आणि मी अतिशय शांत, कमी बोलणारा. शाहिदसाठी करीनाने स्वत:मध्ये खूप बदल केला होता. ती पूर्ण शाकाहारी झाली होती.

शाहिद आणि करीनाचं ब्रेकअप का झालं?

शाहिद त्या काळात नंबर वनवर असलेला हिरो होता. त्याचा स्वभाव आणि कुटुंबिय सर्व चांगले होते. मात्र त्यावेळी करिष्मा आणि बबीता यांना त्यांच नात मान्य नव्हतं. कुटुंबियांच्या सुखासाठी पुढे हे दोघे वेगळे झाले.