Golden Globe Awards: २०२२ हे वर्ष तर दाक्षिणात्य चित्रपटांसाठी एकदम खास तर होतेच पण २०२३ हे वर्ष देखील खास झाले आहे. दाक्षिणात्य चित्रपटांचा बोलबाला गेल्या वर्षी बराच झाला होता. परंतू आता, सध्या गोल्डन ग्लोब पुरस्कारात दाक्षिणात्य चित्रपटाने आणखी एक मानाचा तुरा रोवला आहे. RRR चित्रपटातल्या 'नाटू नाटू' या गाण्याने गोल्डन ग्लोब हा पुरस्कार पटकावला आहे. सर्वोत्कृष्ट ओरिजिनल गाणं म्हणून हा पुरस्कार या गाण्याला देण्यात आला आहे.

दाक्षिणात्य चित्रपटसृष्टीतील एस.एस.राजामौली यांचे दिग्दर्शन असलेल्या या गाण्याने जगभरात आपला डंका वाजवला आहे. याच गाण्याने आता हॉलिवूडच्या सर्वोच्च पुरस्कारांपैकी एक असलेला हा गोल्डन ग्लोब पुरस्कार आहे. या चित्रपटाचा गाजावाजा परदेशात होत असल्याने हा भारतीय चित्रपटसृष्टीसाठी मानाचा क्षण आहे. या चित्रपटाचे प्रतिनिधीत्व अवॉर्ड फंक्शनमध्ये दिग्दर्शक एसएस राजामौली, ज्युनियर एनटीआर आणि रामचरण यांनी केले होते.

टेलर स्विफ्टचं कॅरोलिना, लेडी गागाचं होल्ड माय हँड या गाण्यांनाही गोल्डन ग्लोबमध्ये नामांकन होतं. त्यातून नाटू नाटू या गाण्याची सर्वोत्कृष्ट ओरिजनल गाणं या प्रकारात निवड करण्यात आली. RRR या चित्रपटाला सर्वोत्कृष्ट नॉन इंग्लिश चित्रपट या प्रकारातही नामांकन मिळालं आहे.

चित्रपटाच्या कमाईबद्दल बोलायचे झाले तर RRR ने जागतिक स्तरावर 1200 कोटींहून अधिक कमाई केली होती. राजामौली यांनी याआधीच न्यूयॉर्क फिल्म क्रिटिक्स सर्कल अवॉर्ड्समध्ये सर्वोत्कृष्ट दिग्दर्शकासह अनेक आंतरराष्ट्रीय पुरस्कारांवर आपले नाव कोरले आहेत. याशिवाय RRR ला ऑस्करच्या सर्व श्रेणींमध्ये शॉर्टलिस्ट करण्यात आले आहे.