Gautami Patil Movie Ghungru News :गौतमी पाटील हे नेहमीच चर्चेत असणारे नाव आहे. गौतमी पाटीलने तिच्या डान्सने अनेकांना वेड लावले आहे. गौतमी लवकरच चित्रपटाच्या माध्यमातूम आपल्या भेटीला येणार आहे. गौतमीचा 'घुंगरू' हा चित्रपट लवकरच प्रदर्शित होणार आहे.

मात्र गौतमीच्या या चित्रपटाला महाराष्ट्रातील राजकाणारामुळे फटका बसला आहे. गौतमीच्या चित्रपटाच्या प्रदर्शनाची डेट पुढे ढकलण्यात आली आहे. गौतमी 'घुंगरू' या चित्रपटामध्ये मुख्य भूमिका साकारणार आहे. पण तिच्या पहिल्याच चित्रपटाची तारीख पुढे गेली आहे. (Latest Entertainment News)

घुंगरू या चित्रपटामुळे गौतमीचं अभिनेत्री होण्याचं स्वप्न साकार झालं आहे. या चित्रपटाचे शूटिंग महाराष्ट्रासह परराज्यात देखील झाले आहे. एप्रिलमध्ये या चित्रपटाचा ट्रेलर देखाली प्रदर्शित झाला होता.

'घुंगरू' या सिनेमाची निर्मिती आणि दिग्दर्शन बाबा गायकवाड यांनी केलं आहे. चित्रपटाचे प्रदर्शन पुढे ढकललं गेले याविषयी बाबा गायकवाड म्हणाले,"काही कारणाने 'घुंगरू' या सिनेमाची रिलीज डेट पुढे ढकलण्यात आली आहे. पुढील आठ दिवसांत 'घुंगरू' सिनेमाची रिलीज डेट जाहीर करण्यात येईल".

'घुंगरू' या सिनेमाची घोषणा झाल्यापासून गौतमीचे चाहते तिच्या चित्रपटाची प्रतीक्षा करत आहेत. हा चित्रपट कलावंतांच्या जीवनावर आधारित आहे. यामध्ये गौतमी पाटीलची लव स्टोरी देखील पाहायला मिळणार आहे. या सिनेमात गौतमी बाबा गायकवाड यांच्यासोबत स्क्रीन शेअर करताना दिसणार आहे.