Bigg Boss OTT 2 Anthem: टीव्ही मनोरंजन विश्वातील बिग बॉस रिअॅलिटी शो हा चांगलाच लोकप्रिय आहे. सध्या या शोच्या दुसऱ्या सिझनची जोरदार चर्चा सुरू आहे. प्रेक्षकही बिग बॉस OTT सीझन 2 च्या प्रतिक्षेत आहे. आगामी शोमध्ये बॉलिवूडचा दंबंग अभिनेता सलमान खान दिसणार आहे.
नुकतेच, निर्मात्यांनी 'बिग बॉस ओटीटी २' चे अँथम गाणे रिलीज केले आहे, ज्यामध्ये सलमान खान रॅपर रफ्तारसोबत हटके अंदाजात दिसतो आहे. बिग बॉस OTT 2 १७ जून रोजी जिओ सिनेमावर प्रदर्शित होणार आहे.(Entertainment News Marathi)
'बिग बॉस OTT 2' येत्या काही दिवसांत सुरू होणार आहे. नुकतच निर्मात्यांनी 'किसकी लगेगी, किसकी बचेगी है आपके पॉवर में, क्योंकी जनता है असली बॉस अशी टॅगलाइन देत या 'बिग बॉस ओटीटी २' चे अॅंथम गाणे सोशल मीडियावर शेअर केले आहे. आहे.
आतापर्यंत निर्मात्यांनी 'बिग बॉस OTT 2' मधील स्पर्धकांबद्दल कोणतीही अधिकृत माहिती मिळालेली नाही. धीरज धुपर, फैझू शेख, जिया शंकर, राजीव सेन, पूजा गौरपासून ते अंजली अरोरा आणि आदित्य नारायण हे कलाकार या शोमध्ये दिसण्याची शक्यता आहे. 'बिग बॉस OTT' हा डिजिटल रिॲलिटी शो असून २०२१ मध्ये याचा पहिला सीझन प्रेक्षकांच्या भेटीला आला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.