Khans of Bollywood: आमिर खान, शाहरुख खान आणि सलमान खान यांनी नुकतेच रियाधमधील जॉय फोरम २०२५ मध्ये हजेरी लावली. यावेळी शाहरुख खान, सलमान खान आणि आमिर खान यांनी स्टेज शेअर केला. या कार्यक्रमातील एक व्हिडिओ सोशल मीडियावर व्हायरल होत आहे. या व्हायरल व्हिडिओमध्ये आमिर खान एक गाणे गात असल्याचे दिसत आहे. शाहरुख खान आणि सलमान खान बॅकग्राउंड डान्सर म्हणून नाचत आहेत. काही लोक असा दावा करत आहेत की शाहरुख खानने आमिर खानला मध्येच थांबवले, ही गोष्ट आमिर खानला आवडली नाही.

शाहरुख म्हणाला की आमिर गाणार

व्हायरल व्हिडिओमध्ये शाहरुख खान, आमिर खान आणि सलमान खान एकाच स्टेजवर बसले आहेत. शाहरुख खान म्हणतो की आमिर खान एक गाणे गाईल, तर तो आणि सलमान खान बॅकग्राउंडमध्ये नाचतील. शाहरुख खानचे बोलणं ऐकून आमिर खान म्हणतो, हा माझी मज्जा घेतोय का?

आमिर खानने एक गाणे गायले

अचानक, शाहरुख खान आणि सलमान खान आमिर खानच्या मागे उभे राहतात. आमिर खान विचारतो, "त्यांनी कोणते गाणे गाऊ?" सलमान आणि शाहरुख खान दोघेही म्हणाले कोणतही गा आमिर खानने अनोखी रात (१९६८) मधील "ओ रे ताल मिले नदी के जल में" गाणे गायले आहे. शाहरुख खान प्रेक्षकांना मागून टाळ्या वाजवण्याचा इशारा करतो तेव्हा आमिर खान गाण्याच्या दोन ओळी गातो. आमिर गाणे सुरू ठेवतो तेव्हा शाहरुख खान त्याला थांबवतो आणि प्रेक्षकांना टाळ्या वाजवण्यास सांगतो आणि म्हणतो की शास्त्रीय गायन शिकल्यानंतर हा आमिरचा पहिलाच कार्यक्रम आहे आणि तोही सौदी अरेबियामध्ये.

सोशल मीडिया नेटकऱ्यांनी काय म्हटले

जेव्हा शाहरुख त्याला थांबवतो तेव्हा आमिर खान मागे वळतो, त्याच्याकडे हसतो आणि नंतर मान हलवतो. या व्हिडिओवर सोशल मीडिया नेटकऱ्यांच्या प्रतिक्रिया आल्या आहेत. एका नेटकऱ्याने लिहिले, "शाहरुखने आमिरला थांबवले; तो आणखी गाणे गाऊ इच्छित होता." दुसऱ्या नेटकऱ्याने लिहिले, "शाहरुखने असे थांबवायला नको होते."