Dhurandhar 2: आदित्य धर दिग्दर्शित ‘धुरंधर: द रिव्हेंज’ या चित्रपटाची प्रदर्शनाआधीपासूनच चर्चा होत आहे. याचित्रपटातील प्रत्येक कलाकाराच्या अभिनयापासून ते या चित्रपटातील बारिक डिटेलिंगचे कौतुक सोशल मीडियावर होत आहे. या चित्रपटातील अनेक सीन आणि त्यावर आधारित अनेक मीम्स सोशल मीडियावर व्हायरल होत आहेत. आता सोशल मीडियावर एक नवा व्हिडीओ व्हायरल होत असून यामध्ये चित्रपटातील क्लायमॅक्स पेक्षा वेगळा क्लायमॅक्स प्रेक्षकांना पाहायला मिळत आहे. जाणून घेऊयात हा नेमका कोणता क्लायमॅक्स आहे.

रणवीर सिंगच्या ‘धुरंधर: द रिव्हेंज’ हा चित्रपट सध्या प्रेक्षकांच्या चर्चेचा विषय आहे. विशेषतः या चित्रपटातील क्लायमॅक्स सीन प्रेक्षकांच्या मनात घर करुन राहिला आहेत. या सीनमध्ये जसकीरत सिंग रंगी (Ranveer Singh) आपल्या कुटुंबाला भेटायला जाण्याचा प्रयत्न करताना दिसतो, मात्र परिस्थितीमुळे त्याला ते शक्य होत नाही. हा प्रसंग अत्यंत भावनिक असून प्रेक्षकांच्या मनावर गंभीर परिणाम करतो.

दरम्यान, सोशल मीडियावर चाहत्यांनी या क्लायमॅक्सला वेगळे रूप दिले आहे. AI चा वापर करून ‘धुरंधर’च्या शेवट वेगळ्या पद्धतीने करण्यात आला आहे. या AI व्हर्जनमध्ये जसकीरत आपल्या कुटुंबाला पुन्हा भेटताना आणि आनंदाने एकत्र येताना दाखवण्यात आले आहे. त्यामुळे चित्रपटाला एक ‘हॅप्पी एंडिंग’ मिळाले आहे.

हा AI व्हिडिओ सोशल मीडियावर मोठ्या प्रमाणात व्हायरल झाला आहे. अनेक नेटकऱ्यांनी या व्हर्जनचे कौतुक करत, जसकीरतसोबत असाच शेवट व्हायला पाहिजे होता असे मत व्यक्त केले आहे. मात्र, मूळ कथेत एक अंडरकव्हर स्पायच्या आयुष्यातील कठोर वास्तव दाखवले आहे. जसकीरतला आपल्या कुटुंबापासून दूर राहावे लागते आणि गुप्तहेर म्हणून त्याला परिवाराचा त्याग करावा लागतो.