नुकताच प्रदर्शित झालेला आणि प्रेक्षकांना भुरळ घालणारा धुरंधर: द रिव्हेंज हा चित्रपट सध्या चर्चेचा विषय ठरला आहे. हा चित्रपट प्रदर्शित झाल्यानंतर काही दिवसांच्या कालावधीत सुपर हिट झाला. धुरंधरने गेल्या ११ दिवसांत ८४६.८७ कोटी इतकी कमाई केली आहे, तर भारतात त्याचं ग्रॉस कलेक्शन १०११.९५ कोटी रुपये इतकं आहे. मात्र आता या चित्रपटाचं व्हर्जन यूट्यूबवर अपलोड करण्यात आल्याचे म्हटले जात आहे. त्यामुळे चित्रपटाची टीम चिंतेत आली आहे.

मिळालेल्या माहितीनुसार, एका युट्युब चॅनेलवरून धुरंधर: द रिव्हेंज हा संपूर्ण चित्रपटाचं पायरेटेड व्हर्जन लीक करण्यात आला होता. हे लक्षात येताच प्रेक्षकांनी तात्काळ चित्रपटाचे दिग्दर्शक, आदित्य धर यांना सोशल मीडियावर टॅग करून या प्रकरणाची माहिती दिली. अनेक वापरकर्त्यांनी हा व्हिडिओ काढून टाकण्याची मागणी केली आहे.

चित्रपट लीक झाल्याची बातमी पसरताच, मोठ्या संख्येने नेटकऱ्यांनी प्लॅटफॉर्मवर त्या व्हिडिओची तक्रार केली. यानंतर, तो पायरेटेड व्हिडिओ तात्काळ काढून टाकण्यात आला. भारतात, कॉपीराइट कायद्यानुसार चित्रपटांची पायरेसी हा एक गंभीर गुन्हा मानला जातो. परवानगीशिवाय चित्रपट डाउनलोड करणे, शेअर करणे किंवा अपलोड करणे हा दंड आणि तुरुंगवासाच्या शिक्षेस पात्र गुन्हा आहे.

चित्रपटाचे दिगदर्शक यांनी चित्रपट रिलीज होण्यापूर्वीच, दिग्दर्शक आदित्य धर यांनी प्रेक्षकांना स्पॉइलर्स शेअर न करण्याचे आणि पायरसी टाळण्याचे विशेष आवाहन केले होते. त्यांनी सांगितले की, संपूर्ण टीमने हा चित्रपट बनवण्यासाठी खूप वेळ आणि मेहनत घेतली आहे आणि प्रेक्षकांनी त्या मेहनतीचा आदर करावा असे त्यांनी आवाहन केले होते. मात्र चित्रपट लीक झाल्याने आता चिंता व्यक्त केली जात आहे.