बॉलिवूडचे सुप्रसिद्ध जोडी अभिनेते धर्मेंद्र आणि त्यांची पत्नी अभिनेत्री हेमा मालिनी यांनी अनेक चित्रपट गाजवले आहेत. सिनेसृष्टीत मोठे नाव कमावले आहे. त्यांची मुलगी ईशा देओल (Esha Deol) कोणत्या ना कोणत्या कारणामुळे नेहमी चर्चेत असते. सध्या ईशाने आपला ‘वंदे भारत एक्सप्रेस’ चा अनुभव शेअर केला आहे. तिने आपल्या सोशल मिडियावर एक व्हिडिओ शेअर केला आहे.

अभिनेत्री ईशाने बऱ्याच दिवसांनी रेल्वेने प्रवास केला. रेल्वे प्रवास करण्यासाठी अभिनेत्रीने मुंबई सेंट्रल रेल्वे स्थानकावरून वंदे भारत ट्रेन (Vande Bharat) पकडली. तिने हा प्रवास रात्री केला. या प्रवासासाठी तिने एक सिंपल लूक केला होता. ईशाने ब्लॅक कलरची हुडी परिधान केली होती. ट्रेनमधून प्रवास करताना अनेक लोकांनी तिला ओळखले आणि कॅमेऱ्यामध्ये कॅप्चर केले. यानंतर ईशाने आपल्या सर्व चाहत्यांना सोशल मिडियावर मुंबई सेंट्रल आणि वंदे भारत ट्रेन दिसत असणाऱ्याचा एक सुंदर व्हिडिओ शेअर केला आहे.

या प्रवासात लोकांनी तिचा प्रवास सुखाने व्हावा अशा शुभेच्छा दिल्या आहेत. मात्र वंदे भारत ट्रेन पकडून ईशा कोणत्या ठिकाणी जात आहे याचा खुलासा तिने केला नाही. तसेच तिने या व्हिडिओला ‘Train ride’ असे कॅप्शन दिलं आहे. तिच्या या व्हिडिओवर चाहत्यांनी भरभरून प्रेम दिले आहे.

ईशा देखील अनेक बॉलिवूड चित्रपटांमध्ये झळकली आहे. ईशा अनेक वेळा तिच्या वैयक्तिक आयुष्यामुळे चर्चेत असते. तिचा याच वर्षी फ्रेब्रुवारी महिन्यात घटस्फोट झाला. तिला दोन मुली आहेत. ईशाचा सोशल मीडियावर मोठा चाहता वर्ग आहे. आपल्या आयुष्यातील अनेक अपडेट ती चाहत्यांसोबत शेअर करत असते.