सध्या मनोरंजनविश्वात लग्न सराई सुरू झाली आहे. मराठीतील अनेक कलाकार लग्न करत आहेत. नुकतंच धुमधडाक्यात 'रंग माझा वेगळा' अभिनेत्री रेश्मा शिंदेचं लग्न पार पडलं. यानंतर आता 'लागिर झालं जी' फेम अभिनेता देखील लग्नबंधनात अडकणार आहे. लग्नाविषयीचे अनेक अपडेट किरण चाहत्यांना देत आहे.

१४ डिसेंबर २०२४ ला किरण गर्लफ्रेंड वैष्पणवीसोबत लग्नबंधनात अडकणार आहे सोशल मीडियावर या दोघांनीही लग्नाची तारीख सांगितली आहे. आता या दोघांच्या घरी लग्नाची धामधूम सुरू आहे. अभिनेत्री वैष्णवीने तिची मेहंदी कार्यक्रमाची व्हिडीओ शेअर केली आहे.

वैष्णवीच्या हातावर होणाऱ्या नवऱ्याच्या नावाची मेहंदी रंगली आहे. वैष्णवीच्या घरी लग्नविधींना सुरूवात झाली आहे. सोशल मीडियावर याचदरम्यानचे फोटो व्हायरल झाले आहेत. मेहंदी कलरच्या साडीमध्ये वैष्णवी फारच सुंदर दिसत आहे. तिने लूकवर मॅचिंग ज्वेलरी घातली आहे. वैष्णवीच्या हाताला मेहंदी लागली आहे. फुलांच्या माळांनी वैष्णवीचं घर सजवण्यात आलं आहे. वैष्णवीने शेअर केलेले हे फोटो खुपच सुंदर दिसत आहेत.

या दोघांच्या कामाबद्दल बोलायचे तर, किरण हा लोकप्रिय अभिनेता आहे. तर वैष्णवी देखील अभिनेत्री आहे. या दोघांनीही टीव्ही मालिकेतून त्यांचा प्रवास सुरू केला आहे. दोघांनीही देवमाणूस या मालिकेत एकत्र काम केले आहे. आता दोघेही लवकरच लग्नबंधनात अडकणार आहेत यामुळे चाहते देखील या कपलवर शुभेच्छांचा वर्षाव करत आहेत.