Gautami Patil: डान्सर गौतमी पाटील सध्या भरल्यात फॉर्मात आहे. गौतमी पाटील म्हटलं की वाद असं समीकरण काही दिवसांपूर्वीपर्यंत होतं. आता मात्र तशी स्थिती राहिली नाही. अश्लील हावभाव केलेले व्हिडीयो व्हायरल झाल्यानंतर प्रकाशझोतात आली होती. त्यावेळी तिच्यावर मोठ्या प्रमाणात टीका झाली. मात्र त्यानंतर गौतमीच्या करिअरचा ग्राफ वरवर जाताना दिसत आहे.

गौतमीचे चुकीचे व्हिडीओ व्हायरल झाल्यानंतर तिने माफी मागतली होती. यानंतर अशी चूक होणार नाही असं आश्वासनही तिने दिलं. त्यानंतर गौतमीच्या लाईव्ह शोला नागरिकांचा मोठा प्रतिसाद मिळत आहे. गौतमीची प्रसिद्धी पाहून तिला आधाची काही गाणी आणि सिनेमाची ऑफर मिळाली आहे. आता गौतमी एका वेब सीरिजमध्येही झळकणार आहे. तिने स्वत: याबद्दल माहिती दिली आहे.  (Latest Marathi News)

दोन-तीन गाणी आणि एक चित्रपट तसेच वेब सीरिज अशी कामं सुरु आहेत. ही वेब सीरीज आणि चित्रपट कुठले आहेत, याबाबत गौतमीने काहीही माहिती दिली नाही. वेब सीरिजचं नाव किंवा तयांच्या विषयाबद्दल आत्ताच सांगता येणार नाही. तुम्हाला लवकरच कळेल असं गौतमीने म्हटलं.

गौतमी पाटीलच्या नावाने जेवणाची थाळी

सोलापूर जिल्ह्यातील टेंभुर्णी येथील हॉटेल सुमनमध्ये गौतमी पाटील हिच्या नावे स्पेशल थाळी सुरू केली आहे. गौतमी पाटील या नावाने सुरू केलेल्या थाळीला खवय्यांचाही चांगला प्रतिसाद मिळत आहे. विशेष म्हणजे गौतमी पाटीलच्या तिन्ही आवडीच्या भाज्या या थाळीत समाविष्‍ठ केल्‍या आहेत.