Kapil Sharma Invited Pm Modi: बॉलिवूडमधील अनेक सेलिब्रिटी 'द कपिल शर्मा' शो ची प्रमोशनसाठी नेहमीच निवड करतात. कपिलने त्याच्या स्वतःच्या कार्यक्रमातून स्वतःची एक वेगळीच ओळख प्रस्थापित केली आहे. विनोदाने प्रेक्षकांचं निखळ मनोरंजन करणाऱ्या कपिलचा 'द कपिल शर्मा शो' शो ही लोकप्रिय आहे.

या शो मध्ये आता पर्यंत सर्वच कलाकारांनी हजेरी लावली होती, पण आता या शो मध्ये भारतातील उच्च पदस्थ व्यक्ती हजेरी लावणार आहे. मिळालेल्या माहितीनुसार, देशाचे पंतप्रधान नरेंद्र मोदी 'द कपिल शर्मा शो' मध्ये हजेरी लावण्याची शक्यता आहे.

कपिल त्याच्या कार्यक्रमात हजेरी लावलेल्या सर्व कलाकारांची विशिष्ट शैलीत जबरदस्त फिरकी घेतो. नुकतच एका हिंदी वृत्तवाहिनीला दिलेल्या मुलाखतीत कपिल म्हणतो, या मुलाखतीत कपिलने करिअर, वैयक्तिक आयुष्याबाबत अनेक खुलासे केले. रेड कार्पेटवरील अनेक सेलिब्रिटींनी आजवर कपिल शर्मा शोमध्ये हजेरी लावली आहे. या मुलाखतीत “पंतप्रधान नरेंद्र मोदी 'द कपिल शर्मा शो' मध्ये येणार का?”, असा प्रश्न कपिलला विचारला.

यावर कपिल म्हणतो, “मी जेव्हा पंतप्रधान नरेंद्र मोदींना भेटलो, त्यावेळी मी त्यांना माझ्या कार्यक्रमात हजेरी लावण्याची विनंती केली होती. पण त्यांनी माझ्या कार्यक्रमात हजेरी लावण्यासाठी नकार दिला. सध्या तरी विरोधकांकडून माझ्याबाबत खूप विनोदी गोष्टी बोलल्या जात आहेत. कधीतरी तुझ्या शोमध्ये येऊ, असं मोदी म्हणाले होते.”

कपिल शर्मा सध्या त्याच्या झ्विगाटो (Zwigato) या चित्रपटामुळे चर्चेत आहे, जो लवकरच रिलीज होणार आहे. कपिल शर्मा या चित्रपटात डिलिव्हरी बॉयच्या भूमिकेत असून त्याची व्यक्तिरेखा खूप गंभीर आहे.