कोरियोग्राफर गणेश आचार्य (Ganesh Acharya) यांचे डान्सच्या दुनियेत मोठे नाव आहे. त्यांनी आजवर अनेक हिट चित्रपटांमध्ये आपल्या डान्स शैलीने जादू केली आहे. त्यांच्या डान्सचे लाखो दिवाने आहेत. तरुणांमध्ये तर त्यांच्या डान्सची क्रेझ पाहायला मिळते. कोरियोग्राफर गणेश आचार्य डान्ससोबत उत्तम अभिनय देखील करतात. छोट्या भूमिकांमधून त्यांच्या अभिनयाची झलक पाहायला मिळते. मात्र आता ते एक मोठ्या चित्रपटातून प्रेक्षकांच्या भेटीला येणार आहे.

सिनेसृष्टीत सध्या कॉमेडी चित्रपट धुमाकूळ घालताना दिसत आहेत. अशातच आता आणखी एक कॉमेडी चित्रपट धुमाकूळ घालण्यास सज्ज होत आहे. 'पिंटू की पप्पी' (Pintu Ki Pappi ) असे या चित्रपटाचे नाव आहे. चित्रपटाच्या नावामुळे चाहत्यांमध्ये चित्रपट पाहण्यासाठी उत्सुकता लागली आहे. नुकताच या चित्रपटाचा ट्रेलर प्रेक्षकांच्या भेटीस आला आहे. ट्रेलरबरोबरच या चित्रपटातील गाण्यांनी रसिकांच्या मनावर राज्य केले आहे. चित्रपटात कोरियोग्राफर गणेश आचार्य कॉमेडी अंदाज पाहायला मिळणार आहे.

सध्या 'पिंटू की पप्पी' चित्रपटाचे धमाकेदार प्रमोशन सुरू आहे. सुप्रसिद्ध कोरियोग्राफर गणेश आचार्य यांनी या चित्रपटात महत्त्वाची भूमिका साकारली आहे. 'पिंटू की पप्पी' हा रोमँटिक कॉमेडी चित्रपट आहे. चित्रपटाच्या ट्रेलरने सोशल मीडियावर धुमाकूळ घातला आहे. 'V2S प्रॉडक्शन आणि एंटरटेनमेंट'च्या या चित्रपटाला विधी आचार्य यांची निर्मिती आहे. 'पिंटू की पप्पी' चित्रपटाचे लेखक, दिग्दर्शक म्हणून शिव हरे यांनी बाजू सांभाळली आहे.

'पिंटू की पप्पी' चित्रपटामध्ये गणेश आचार्य यांच्यासह विजय राज, मुरली शर्मा, सुनील पाल, अली असगर, पूजा बॅनर्जी, अदिती संवाल, रिया एस सोनी, उर्वशी चौहान, प्यूमोरी मेहता दास, मुक्तेश्वर ओझा अशा दिग्गज कलाकारांचा समावेश आहे. शिव हरे यांनी लिहिलेला आणि दिग्दर्शित केलेला 'पिंटू की पप्पी' हा चित्रपट सिनेसृष्टीत एक हास्याची उमेद घेऊन येणार आहे. 'पिंटू की पप्पी' चित्रपट येत्या 21 मार्च प्रदर्शित होणार आहे.