'बिग बॉस ओटीटी ३'ची सध्या कमालीची चर्चा सुरू आहे. हा शो सुरू होऊन १ महिना झाला असून आतापर्यंत शोमधून चार स्पर्धक एलिमिनेट झाले आहेत. अशातच गेल्या आठवड्यामध्ये पाचवी स्पर्धक एलिमिनेट झाला आहे. दिल्लीची वडा पाव गर्ल म्हणजेच चंद्रिका दीक्षित एलिमिनेट झाली आहे. तिने बिग बॉसच्या घरामधून बाहेर येताच निर्मात्यांवर राग व्यक्त केला आहे.

बिग बॉसच्या घरामध्ये पाचव्या आठवड्यामध्ये, वडा पाव गर्ल म्हणजेच चंद्रिका दीक्षित एलिमिनेट झाली आहे. तिने बिग बॉसच्या घरातून बाहेर आल्यानंतर बिग बॉसवर टीकास्त्र सोडले आहे. टीका करताना चंद्रिका दीक्षित म्हणाली, "एकाला बिग बॉसच्या घरात घेता तर एकाला बिग बॉसच्या घरातून बाहेर काढता, असं कसं तुम्ही करू शकता ? खरंतर माणसं स्वत:च्या स्वार्थासाठी काय करतील काय नाही, याचा काही नेम नाही. पण मी कधीच कोणाला चुकीचं बोलले नाही. पण तरीही मला बिग बॉसच्या घरातून काढून टाकले."

बिग बॉसच्या घरातून बाहेर आल्यानंतर चंद्रिका दीक्षितने आपला राग व्यक्त केला आहे. गेल्या काही दिवसांपूर्वी बिग बॉसच्या घरातून अनेक स्पर्धक बाहेर पडले आहेत. नीरज गोयत, पायल मलिक, पौलोमी दास, टॅरो कार्ड रिडर मुनिषा खटवानी हे स्पर्धक बिग बॉसच्या घरातून बाहेर आले आहेत. आता त्यानंतर पाचवी स्पर्धक वडा पाव गर्ल चंद्रिका दीक्षित एलिमिनेट झाली आहे. सध्या घरात सना मकबूल, साई केतन राव, अरमान मलिक, शिवानी कुमारी, सना सुलतान, दीपक चौरसिया, विशाल पांडे, लव्ह कटारिया आणि रॅपर नॅजी हे स्पर्धक आहेत.

बिग बॉसच्या घरामध्ये, 'विकेंड का वार'मध्ये, भोजपूरी अभिनेता रवी किशन यांनी उपस्थिती लावली होती. नुकत्याच झालेल्या 'विकेंड का वार'मध्ये, बिग बॉसने सर्वच स्पर्धकांवर राग व्यक्त केलेला आहे. गेल्या काही दिवसांपूर्वी बिग बॉसच्या घरामध्ये, विशाल पांडे आणि अरमान मलिक यांच्यामध्ये चांगलाच वाद झाला होता. यानिमित्त विशाल पांडेला सपोर्ट करण्यासाठी त्याच्या आई- वडिलांनी बिग बॉसच्या घरामध्ये उपस्थिती लावली होती. यावेळी त्यांनी अरमान मलिकवर बरीच टीका केली.