Bhool Chuk Maaf VS Kesari Veer Box Office Collection: राजकुमार राव आणि वामीका गब्बी यांच्या प्रमुख भूमिका असलेल्या 'भूल चूक माफ' या चित्रपटाने प्रदर्शित झाल्यानंतर चार दिवसांत भारतात ३२.७५ कोटींची कमाई केली आहे. चित्रपटाने शुक्रवारपासून रविवारपर्यंत चांगली कामगिरी केली, मात्र सोमवारच्या कमाईत घट झाली.

चित्रपटाने शुक्रवारी ७ कोटी, शनिवारी ९.५ कोटी आणि रविवारी ११.५ कोटी अशी कमाई केली. मात्र, सोमवारच्या कमाईत घट होऊन ती ४.७५ कोटी इतकी झाली. या घसरणीनंतरही चित्रपटाने चार दिवसांत एकूण ३२.७५ कोटींची कमाई केली आहे.

'भूल चूक माफ' ही एक टाइम-लूप कॉमेडी आहे, ज्यात राजकुमार राव आणि वामीका गब्बी यांची केमिस्ट्री प्रेक्षकांना भावली आहे. चित्रपटात संजय मिश्रा, रघुबीर यादव, सीमा पाहवा आणि इतर कलाकारांनीही महत्त्वाच्या भूमिका साकारल्या आहेत. चित्रपटाची कथा आणि कलाकारांच्या अभिनयामुळे प्रेक्षकांचा चांगला प्रतिसाद मिळाला आहे.

तर, पहिल्या दिवसापासूनच सुनिल शेट्टीच्या 'केसरी वीर'च्या कमाईने निर्मात्यांना निराश केले आहे. बॉक्स ऑफिसची अवस्था अशी आहे की चित्रपट त्याचे बजेट ६० कोटी देखील वसूल करू शकणार नाही. इंडस्ट्री ट्रॅकर सॅकनिल्कच्या मते, चित्रपटाने चौथ्या दिवशी ०.०१ कोटी रुपये कमावले आहेत.