अभिनेता विकी कौशल आणि तृप्ती डिमरी स्टारर 'बॅड न्यूज' चित्रपटाची जोरदार चर्चा सुरू आहे. पोस्टर, टीझर, ट्रेलर आणि गाण्यांची सध्या सोशल मीडियावर जोरदार चर्चा होत आहे. गेल्या काही दिवसांपूर्वी चित्रपटातलं 'तौबा तौबा' गाणं रिलीज झालं. या गाण्याची सध्या सोशल मीडियावर चांगलीच चर्चा होत असून गाण्याच्या हुकस्टेप्सची आणि विकी कौशलची चांगलीच चर्चा होत आहे. गाण्याचे सर्वत्र कौतुक होत असताना कोरियोग्राफर यावर नाराज आहेत. विकी कौशलचे का कौतुक करीत आहे ? असा सवाल त्यांनी उपस्थित केलेला आहे.

'तौबा तौबा' गाण्याचे कोरियोग्राफर बॉस्को मार्टिस आहेत. नुकतंच त्यांनी इंडिया टुडेशी संवाद साधला. मुलाखतीमध्ये बॉस्को मार्टिस यांनी सांगितले की, "विकीला हा डान्स करणं शक्य झालेलं आहे. कारण, त्याने पूर्वीही काही गाण्यांमध्ये डान्स केलेला आहे. पण, चाहत्यांना त्याच्या या गाण्यातील स्टेप्स आवडल्या आहेत, कारण त्या गाण्याची कोरियोग्राफी खूप उत्तम रित्या झालेली आहे. जिथे पाहू तिथे 'तौबा तौबा' गाण्याचीच चर्चा सुरू आहे. सर्वच लोकं विकीच्या डान्सचे कौतुक करीत आहे."

कोरियोग्राफरने पुढे मुलाखतीत सांगितले की, "विकीचा हा भन्नाट डान्स एका व्यक्ती मुळेच शक्य झाला आहे, त्याच्यामुळेच ह्या डान्सची जोरदार चर्चा होत आहे. मी गाण्याला मिळालेल्या यशाबद्दल खूप आनंदी आहे. पण फक्त त्याचेच कौतुक न करता, सर्व डान्स कोरियोग्राफरचेही कौतुक व्हायला हवे. कारण जर त्या हूकस्टेप्स मी वेगळ्या पद्धतीने नसत्या केल्या तर या गाण्याची चर्चा झालीच नसती. माधुरी दीक्षित आणि सरोज खान यांचे कौतुक झाले, त्याप्रमाणेच इतरी कोरियोग्राफरलाही आता सन्मान देण्याची वेळ आलेली आहे." अशी प्रतिक्रिया कोरियोग्राफर बॉस्को मार्टिस यांनी दिली आहे.