बॉलिवूडचा लोकप्रिय गायक सोनू निगम (Sonu Nigam) नेहमी कोणत्या ना कोणत्या कारणामुळे चर्चेत असतो. त्याने आपल्या सुरेल आवाजाने प्रेक्षकांच्या मनावर जादू केली आहे. त्याने आजवर अनेक हिट गाणी दिली आहेत. सोनूचा मोठा चाहता वर्ग आहे.

नुकताच सोनू आपल्या एका छोट्या चाहत्याला भेटला आहे. त्याचा व्हिडीओ सोशल मीडियावर तुफान व्हायरल होत आहे. सोनू निगम एका त्याच्या छोट्या चाहत्याला भेटला आहे. सोनूने त्या छोट्या चाहत्याचे भरपूर कौतुक देखील केले आहे. व्हायरल होणाऱ्या व्हिडीओ तुम्ही पाहू शकता की, सोनू निगम एका कार्यक्रमातून निघाला असता त्याला आपल्या गाडीजवळ त्याचा एक चाहता भेटतो. हा छोटा चाहता सोनू निगमसमोर दमदार 'बीट बॉक्सिंग' करतो. जे सोनू निगमला खूप आवडते. तो त्या छोट्या चाहत्याचे खूप कौतुक करतो.

तसेच सोनू चाहत्यासोबत बीट बॉक्सिंगच्या ठेक्यावर 'ये दिल दीवाना...' हे गाणे गातो. तसेच शेवटी जाताना तो छोट्या मुलाच्या गालावरून हात देखील फिरवतो. तो स्वतः त्या मुलाला विचारतो की , "मी तुझ्यासाठी कोणते गाणे गाऊ?" त्यावर चाहता बोलतो, "कोणतही गाणं चालेले" मग सोनू 'ये दिल' गाणे गाऊ लागतात. सोनूच्या चाहत्यासोबतच्या या व्हिडीओवर कमेंट्सचा पाऊस पडत आहे. सर्वजण सोनू निगमच्या कृतीचे कौतुक करत आहेत.

नुकतेच सोनू निगमने 'भूल भुलैया ३' मध्ये 'मेरे ढोलना ३.०' हे गाणे गायले आहे. चाहत्यांना हे गाणे भरपूर आवडले आहे.