Bollywood News : अभिनेता शाहिद कपूर त्याच्या ब्लडी डॅडी सिनेमामुळे सध्या चर्चेत आहे. तर क्रिती सेननने आदिपुरुष सिनेमात साकारलेल्या सीतेच्या भूमिकेचं कौतूक होत आहे. सध्या चर्चेत असलेले दोन्ही कलाकार आता एका नव्या चित्रपटात एकत्र झळकणार आहे. जियो सिनेमावर येणाऱ्या चित्रपटात ही जोडी दिसेल.

शाहिद आणि क्रिती स्टारर या नव्या सिनेमाचं पोस्टर आज रिलीज झालं आहे. मात्र सिनेमाचं नाव लोक या पोस्टरवर शोधत आहे. त्यामुळे फॅन्सना आता सिनेमाचं नाव शोधण्याचं काम लागलं आहे. कारण सिनेमाचं नाव पोस्टरवर कुठेही दिसत नाही. चित्रपटाचं टायटल अजून तरी ठरलेले नाही. परंतु निर्मात्यांनी या रोमँटिक चित्रपटाची रिलीजची तारीख जाहीर केली आहे.

जिओ स्टुडिओने त्यांच्या अधिकृत ट्विटर हँडलवर हे पोस्टर शेअर केलं आहे. चित्रपटाच्या पोस्टरमध्ये शाहिद कपूर आणि क्रिती सूर्यास्तावेळी समुद्रकिनारी बाइकवर बसून रोमँटिक पोज देताना दिसत आहेत. शाहिद आणि क्रितीची जोडी ऑनस्क्रीन पाहण्यासाठी आता प्रेक्षक आतूर झाले आहेत.  (Latest Entertainment Movie)

यावर्षी 7 डिसेंबरला हा सिनेमा रिलीज होणार आहे. जिओ स्टुडिओजवर हा चित्रपट पाहता येणार आहे. अमित जोशी आणि आराधना साह यांनी या सिनेमाचं दिग्दर्शन केलं आहे. तर दिनेश विजन, ज्योती देशपांडे, लक्ष्मण उतेकर यांची या सिनेमाची निर्मिती केली आहे.