बॉलिवूडचा (Bollywood) प्रसिद्ध दिग्दर्शक रोहित शेट्टी (Rohit Shetty) त्याच्या आगामी 'सिंघम 3' (Singham 3) या चित्रपटामध्ये चर्चेत आहे. या चित्रपटाची घोषणा झाल्यापासून प्रेक्षकांमध्ये कमालीची उत्सुकता पाहायला मिळत आहे.
या चित्रपटाबाबतचे नवनवीन अपडेट जाणून घेण्यासाठी प्रेक्षक उत्सुक आहेत. आतापर्यंत 'सिंघम 3' चित्रपटातील दीपिका पदुकोण (Deepika Padukone) आणि टायगर श्रॉफचा (Tiger Shroff) लूक समोर आला आणि तो सर्वांना खूप आवडला.
रोहित शेट्टी सध्या 'सिंघम 3' च्या शूटिंगमध्ये व्यस्त आहे. या फ्रँचायझी चित्रपटाच्या पहिल्या आणि दुसऱ्या भागाप्रमाणेच तिसऱ्या भागातही अजय देवगण मुख्य भूमिकेत असणार आहे. 'सिंघम 3' या चित्रपटामध्ये अजय देवगणसोबत टायगर श्रॉफ आणि अक्षय कुमार देखील दिसणार आहे. नुकताच रोहित शेट्टीने 'सिंघम 3' चित्रपटाच्या शूटिंग सेटवरून एक झलक दाखवल्याने चाहत्यांची उत्सुकता आणखीनच वाढली आहे. रोहित शेट्टीने सोशल मीडियावर चित्रपटाच्या सेटवरील काही फोटो शेअर केले आहे. जे सध्या सोशल मीडियावर व्हायरल होत आहेत. ( साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
रोहित शेट्टीने गुरुवारी त्याच्या अधिकृत इन्स्टाग्राम अकाउंटवरून 'सिंघम 3' चित्रपटाच्या शूटिंगमधील दोन फोटो शेअर केले आहेत. या फोटोंमध्ये कार आणि ट्रकला आग लागल्याचे दिसत आहे. चित्रपटाच्या शूटिंगमधील फोटोंसोबत त्याने 'सिंघम अगेन' हॅशटॅगसह 'वर्क इन प्रोग्रेस...' असे लिहिले आहे. 'सिंघम 3' चित्रपटाच्या शूटिंगमधील फोटो पाहून चाहते खूप उत्सुक झाले आहेत आणि ते हा चित्रपट कधी रिलीज होणार याची वाट पाहत आहेत.
रोहित शेट्टीच्या पोस्टवर कमेंट करत एका चाहत्याने लिहिले की, 'फायर येत आहे.' दुसऱ्या चाहत्याने लिहिले की, 'पळा रोहित बॉस येत आहे.' तिसऱ्या चाहत्याने लिहिले की, '2024 चा सर्वात मोठा ब्लॉकबस्टर चित्रपट येणार आहे.' आणखी एका चाहत्याने लिहिले की, 'मजा आली रोहित शेट्टी गुरुजी.'
दरम्यान,'सिंघम 3' हा चित्रपट 2024 मध्ये रिलीज होणार आहे. हा चित्रपट बॉक्स ऑफिसवर अल्लू अर्जुनच्या 'पुष्पा 2' चित्रपटाशी टक्कर देणार आहे. रोहित शेट्टीच्या दिग्दर्शनाखाली तयार होत असलेल्या 'सिंघम 3' या चित्रपटात अजय देवगण, करीना कपूर, दीपिका पदुकोण, टायगर श्रॉफ हे मुख्य भूमिकेत आहेत. यांच्याशिवाय 'सिम्बा' म्हणजेच रणवीर सिंग आणि 'सूर्यवंशी' म्हणजेच अक्षय कुमार या चित्रपटात कॅमिओ भूमिकेत दिसणार आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.