Akshay Kumar Movie:

ॲक्शन हिरो अर्थात अभिनेता अक्षय कुमार (Akshay Kumar) हा बॉलिवूडचा (Bollywood) सर्वात महागडा अभिनेता आहे. अक्षय कुमार २०२४ मध्ये आपल्या चाहत्यांसाठी एकापेक्षा एक जबरदस्त चित्रपट घेऊन येणार आहे. अद्याप त्याचा एकही चित्रपट रिलीज झाला नाही. सध्या तो त्याच्या चित्रपटाच्या शूटिंगमध्ये व्यस्त आहे. अशामध्येच अक्षय कुमारने त्याच्या नव्या चित्रपटाचे नाव जाहीर केले आहे. अक्षय कुमार सरफिराच्या माध्यमातून प्रेक्षकांच्या भेटीला येणार आहे. या चित्रपटाच्या नावासोबतच त्याने रिलीज डेट देखील जाहीर केली आहे.

अक्षय कुमारचा 'सरफिरा' (Sarfira Movie) नावाचा चित्रपट यावर्षी चित्रपटगृहात प्रदर्शित होणार आहे. अक्षय कुमारच्या या चित्रपटाचा टीझर पाहून चाहते खूप उत्सुक झाले आहेत. सध्या अक्षय कुमार त्याच्या आगामी 'बडे मियाँ छोटे मियाँ' या चित्रपटामुळे चर्चेत आहे. अक्षय कुमारचा हा चित्रपट 2024 च्या ईदला थिएटरमध्ये प्रदर्शित होणार आहे. नुकताच अक्षयने सरफिरा चित्रपटाची घोषणा केली आहे. अक्षयने आपल्या अधिकृत इन्स्टाग्राम अकाऊंटवर सरफिरा चित्रपटाचा टीझर शेअर करत रिलीज डेटही शेअर केली आहे.

अक्षय कुमारच्या आगामी चित्रपटाचे नाव 'सरफिरा' आहे आणि त्याचा हा चित्रपट 12 जुलै 2024 ला प्रदर्शित होणार आहे. अक्षय कुमारच्या या चित्रपटाच्या दिग्दर्शनाची जबाबदारी सुधा कोंगारा यांच्या खांद्यावर आहे. 'सरफिरा' चित्रपटात अक्षय कुमारसोबत राधिका मदन आणि परेश रावल मुख्य भूमिकेत दिसणार आहेत. अक्षय कुमारचा 'सरफिरा' चित्रपट हा साऊथचा हिट चित्रपट 'सूरराई पोत्रू'चा हिंदी रिमेक आहे. अक्षय कुमारने या चित्रपटाची घोषणा खूप आधी केली होती.

अक्षय कुमारच्या वर्कफ्रंटबद्दल सांगायचे झाले तर, 'सरफिरा' चित्रपटाव्यतिरिक्त अक्षय कुमार 'बडे मियाँ छोटे मियाँ','स्काय फोर्स', 'वेलकम टू जंगल', 'हेराफेरी 3' या चित्रपटाच्या माध्यमातून प्रेक्षकांच्या भेटीला येणार आहे. अक्षय कुमार शेवटचा 2023 मध्ये प्रदर्शित झालेल्या 'मिशन रानीगंज' या चित्रपटात दिसला होता. हा चित्रपट बॉक्स ऑफिसवर फ्लॉप ठरला. पण आता 2024 मध्ये अक्षय कुमारचे चाहते त्याचे नवीन चित्रपट रिलीज होण्याची वाट पाहत आहेत.