2025 Bollywood Releases : २०२४ हे वर्ष बॉलीवूड इंडस्ट्रीसाठी एक अद्भुत वर्ष राहिले आहे कारण अनेक चित्रपटांनी बॉक्स ऑफिसवर चांगलीच कमाई केली. या यादीमध्ये स्त्री २, भूल भुलैया ३, सिंघम अगेन, मुंज्या आणि बऱ्याच चित्रपटांचा समावेश आहे. हे वर्ष संपून नवीव वर्ष सुरु होणार आहे. या २०२५ मधील सर्वाधिक प्रतीक्षित बॉलीवूड चित्रपटांची यादी सादर करत आहोत जसे की सलमान खानचा सिकंदर, आलिया भट्ट आणि शर्वरी वाघचा अल्फा, विकी कौशलचा छावा आणि बरेच काही.

सिकंदर

सलमान खानचा सिकंदर हा २०२५ मधील बहुप्रतिक्षित बॉलिवूड चित्रपटांपैकी एक आहे. साजिद नाडियाडवाला निर्मित आणि ए.आर. मुरुगदास दिग्दर्शित हा चित्रपट २०२५ च्या ईदला प्रदर्शित होणार आहे. या चित्रपटात पहिल्यांदाच सलमान अभिनेत्री रश्मिका मंदान्नासोबत दिसणार आहे.

अल्फा

यशराज फिल्म्सचा आगामी स्पाय युनिव्हर्स चित्रपट, 'अल्फा'मध्ये आलिया भट्ट आणि शर्वरी मुख्य भूमिकेत आहेत. हा चित्रपट २५ डिसेंबर २०२५ रोजी थिएटरमध्ये प्रदर्शित होईल. पहिला महिला yrf स्पाय युनिव्हर्स चित्रपट म्हणून ओळखला जाणारा हा चित्रपट शिव रवैल दिग्दर्शित करत आहेत.

आणीबाणी

आणीबाणी हा चित्रपट कंगना राणौतचा दिग्दर्शित चित्रपट १७ जानेवारी २०२५ रोजी थिएटरमध्ये प्रदर्शित होईल. राजकीय नाट्यमय चित्रपटात कंगना माजी पंतप्रधान इंदिरा गांधींची भूमिका साकारत आहे. १९७५ ते १९७७ या २१ महिन्यांसाठी माजी पंतप्रधानांनी लादलेल्या आणीबाणी आणि त्यानंतरच्या परिस्थितीवर कथानक केंद्रित आहे. या चित्रपटात अनुपम खेर, श्रेयस तळपदे, महिमा चौधरी, मिलिंद सोमण आणि दिवंगत सतीश कौशिक यांच्याही भूमिका आहेत.

छावा

विकी कौशलचा बहुप्रतिक्षित छावा फेब्रुवारी 2025 मध्ये थिएटरमध्ये प्रदर्शित होणार आहे. या चित्रपट छत्रपती संभाजी महाराज यांचे चरित्रात्मक नाट्य दाखवण्यात आले आहेत. दिनेश विजन निर्मित आणि लक्ष्मण उतेकर दिग्दर्शित या चित्रपटात विकी कौशल यांनी छत्रपती संभाजी महाराज आणि अक्षय खन्ना मुघल सम्राट औरंगजेबच्या भूमिकेत आहेत. या चित्रपटात रश्मिका मंदान्ना असणार देखील आहे.

सीतारे जमीन पर

आमिर खानचा आगामी प्रोजेक्ट, सितारे जमीन पर 2025 च्या मध्यापर्यंत थिएटरमध्ये दाखल होईल. आगामी चित्रपट हा त्याच्या 2007 साली आलेल्या तारे जमीन पर या चित्रपटाचा सिक्वेल आहे. अलीकडेच, आमिरने सांगितले की, सितारे जमीन पर हा तारे जमीन परचा सीक्वल असला तरी मूळ चित्रपटातील पात्र वेगळी असणार आहेत.

हाऊसफुल ५

हाऊसफुल ५ मध्ये अक्षय कुमार, रितेश देशमुख, अभिषेक बच्चन, फरदीन खान, जॅकलिन फर्नांडिस, सोनम बाजवा आणि नर्गिस फाखरी यांच्यासह अनेक कलाकार आहेत. तरुण मनसुखानी दिग्दर्शित हा चित्रपट ६ जून २०२५ रोजी थिएटरमध्ये प्रदर्शित झाला.