Salman Khan Gives A Shoutout To Sunny Deol: अनिल शर्मा दिग्दर्शित ‘गदर २’ ची सध्या सर्वत्र तुफान चर्चा सुरू आहे. पहिल्याच दिवशी चित्रपटाने बॉक्स ऑफिसवर छप्पर फाडके कमाई केली आहे. चित्रपटाने बॉक्स ऑफिसवर ३५ कोटींची कमाई केली आहे. ससध्या सर्वत्र चित्रपटावर कौतुकाचा वर्षाव होत असताना, अनेक सेलिब्रिटींनी ही सनी देओलवर कौतुकाचा वर्षाव केला आहे. सलमान खानने सनी देओलच्या चित्रपटासाठी खास पोस्ट केली आहे.

चित्रपटाने पहिल्याच दिवशी बॉक्स ऑफिसवर ३५ कोटींची कमाई केली आहे. पहिल्याच दिवशी इतकी जबरदस्त कमाई केली आहे, हे पाहून अनेक सेलिब्रिटींनी चित्रपटाच्या निर्मात्यांसह, दिग्दर्शकांवर आणि कलाकारांवर कौतुकाचा वर्षाव केला आहे. नुकताच सनी देओल, अमिशा पटेल आणि उत्कर्ष शर्मा अभिनित चित्रपटाचे बॉलिवूडच्या भाईजानने चित्रपटाचे कौतुक केले आहे. त्याने खास पोस्ट करत कलाकारांचे कौतुक केले आहे.

सलमान खान पोस्ट करत म्हणतो, “ढाई किलोचा हात चाळीस कोटींच्या कमाईसोबतची आहे. सनी पाजी तुम्ही धडाकेबाज कमाई केली आहे. ‘गदर २’च्या टीमचे अभिनंदन.” अद्याप सलमानच्या पोस्टवर सनी देओलने कुठलीही प्रतिक्रिया दिलेली नाही. नेमका सनी देओलच्या या ट्वीटवर सनी देओल उत्तर देणार का हे पाहणे औत्सुक्याचे ठरणार आहे.

सलमानच्या ह्या पोस्टवर अनेक चाहत्यांनी प्रतिक्रिया दिली आहे. अनेक सेलिब्रिटींनी देखील सलमानच्या पोस्टवर प्रतिक्रिया दिली आहे. ११ ऑगस्टच्या संध्याकाळच्या शो दरम्यान थिएटरमध्ये प्रेक्षकांची एकच गर्दी पाहायला मिळाली, चित्रपटाचा वाढता प्रतिसाद पाहता चित्रपट दुसऱ्या दिवशी ५० कोटींच्या आसपास कमाई करू शकतो. एकूणच हा पहिल्या विकेंडमध्येच १०० कोटींच्या क्लबमध्ये सामील होऊ शकतो.