Milind Soman: सुपरमॉडेल आणि अभिनेता मिलिंद सोमण हा आजही आपल्या खास बॉडीशैलीने चर्चेत असतो. वयाच्या ५७ व्या वर्षीही मॅरेथॉनमध्ये सहभागी होतो. तसेच त्याच्या वर्कआउट्सचे व्हिडिओ आणि फोटो सोशल मीडियावर व्हायरल होत असतात. मिलिंद सोमण सध्या एका जाहिरातीमुळे ट्रोलर्सच्या निशाण्यावर आला आहे. मिलिंदने खास पुरुषांसाठी भांडी घासण्याच्या साबणाची जाहिरात सोशल मीडियावर शेअर केली आहे.

मिलिंद सोमणच्या या जाहिरातीने चाहत्यांना आश्चर्याचा धक्का बसला आहे. या व्हिडिओत मिलिंद एका मुलाला 'विम ब्लॅक' या नव्या डिश वॉशची माहिती देत त्याला टोमणेही मारत आहे. जिममधील एका मुलगा त्याच्या सहकाऱ्यांना भांडी घासण्यासाठी सांगत असतो. या जाहिरातीमुळे ट्रोलर्सनी मिलिंदवर चांगलाच निशाणा साधला आहे.

ही जाहिरात शेअर करत मिलिंदने कॅप्शन लिहिले आहे की, "पुरुषांसाठी खास भांडी धुण्याचा साबण आला आहे 'विम ब्लॅक'." पुरुषांनी महिलांना घरकामात मदत करावी हा उद्देश सर्वत्र लक्षात घेत या प्रॉडक्टची निर्मिती करण्यात आली आहे. एकीकडे याच्यावर कौतुकाचा वर्षाव केला जात आहे तर दुसरीकडे त्याला ट्रोलिंगचा सामना करावा लागत आहे.

मिलिंद सोमनने ही जाहिरात निवडल्या बद्दल त्याच्यावर चाहते भलतेच नाराज आहेत. भांडी घासण्यासाठी स्री, पुरुष दुजाभाव का? प्रोडक्टला फक्त ब्लॅक नाव दिल्याने ते पुरुषांसाठी होते का ? मिलिंद सोमण अशाचा जाहिराती करणार असा टोला यावेळी ट्रोलर्सनी दिला आहे. यावेळी मिलिंदवर लिंगभेद केल्याचाही आरोप करण्यात येत आहे.