Karan Johar Airport Video: हिंदी चित्रपटसृष्टीतील प्रसिद्ध दिग्दर्शक करण जोहर नेहमीच चर्चेत असतो. करण नेहमीच सोशल मीडियावर या ना त्या कारणामुळे चर्चेत राहण्याचा प्रयत्न करतो. पुन्हा एकदा त्याच्या कृत्यामुळे सोशल मीडियावर त्याला प्रचंड ट्रोल केले जात आहे. सध्या करणचा एक व्हिडीओ सोशल मीडियावर बराच व्हायरल होत आहे. व्हिडीओमध्ये, करण विमानतळावर फार घाईत जात होता, सिक्युरिटीसमोर तपासून न दिल्यामुळे सोशल मीडियावर करण चांगलाच चर्चेत आला आहे.

अलीकडेच करण जोहरचा एक व्हिडिओ सोशल मीडियावर चांगलाच व्हायरल होत आहे. या व्हिडिओमध्ये, करण क्षणाचाही विलंब न लावता विमानतळाच्या आत जाताना दिसत आहे. पण तेव्हाच विमानतळावर उपस्थित असलेल्या सुरक्षा कर्मचाऱ्यांनी त्याला अडवले, कारण करण कागदपत्रांची पडताळणी न करता विमानतळावर एंट्री घेत होता. या कारणावरून नेटिझन्सनी आता करण जोहरला ट्रोल केले आहे.

करणचा हा व्हिडीओ ट्विटरवर शेअर करणाऱ्या युजरने लिहिले आहे की, ‘ए कुठे चाललाय? इकडे ये. ते इंटरनॅशनल एयरपोर्ट आहे, इकडे ये, कुठं चालला तोंड वर करुन. डॉक्युमेंटची तपासणी न करता करण तू कसा काय जातो?’ तर आणखी एक नेटकरी म्हणतो, ‘विमानतळावर कॅटवॉक करताना करण पेपर दाखवायला विसरला.’ अशा प्रकारे अनेक नेटकऱ्यांनी करण जोहरची खिल्ली उडवली.

करण जोहरच्या चित्रपटाबद्दल बोलायचे तर, निर्माता म्हणून करणच्या आगामी चित्रपटाचे नाव ‘रॉकी और रानी की प्रेम कहानी’ आहे. करण जोहरच्या या चित्रपटात सुपरस्टार रणवीर सिंग आणि आलिया भट्ट मुख्य भूमिकेत आहेत. धर्मा प्रोडक्शन निर्मित ‘रॉकी और रानी की प्रेम कहानी’ 28 जुलै 2023 रोजी थिएटरमध्ये प्रदर्शित होणार आहे.