Rubina Dilaik: 'खतरों के खिलाडी सीझन 12', 'बिग बॉस सीझन 14' सारख्या प्रसिद्ध रिॲलिटी शोमधून प्रसिद्ध झालेली टेलिव्हिजन अभिनेत्री रुबिना दिलैक सध्या कमालीची प्रकाशझोतात आली आहे. तिने 'बिग बॉस सीझन 14'चं विजेतेपदही पटकावले होते. नेहमीच रुबिना सोशल मीडियावर सक्रिय असते. नुकतेच तिने आपल्या चाहत्यांसोबत एक हटके फोटोशूट केले असून सर्वांच्याच त्यावर नजरा तिच्यावर खिळल्या आहेत.

चाहत्यांमध्ये संस्कारी बहू म्हणून प्रसिद्ध असणाऱ्या रुबिनाने नुकतेच हटके फोटोशूट केले आहे. फोटोशूटदरम्यान रुबिना दिलैकने बारीक खड्यांचा 2 पीस ड्रेस परिधान केला आहे. या अवतारात रुबीना बरीच ग्लॅमरस दिसत आहे. रुबिनाच्या या फोटोंना काही वेळातच लाखो लाईक्स मिळाले आहेत. रुबिना दिलैकने 2008 मध्ये टीव्ही सीरियल 'छोटी बहू: सिंदूर बिन सुहागन'मधून तिच्या अभिनय करिअरची सुरुवात केली होती.

त्यानंतर, रुबिनाने पुनर्विवाह, जिनी और जीजू आणि देवों के देव सारख्या हिट टीव्ही मालिकांमध्ये आपले अभिनय कौशल्य दाखवले. याशिवाय ती टीव्ही मालिका 'शक्ती: अस्तित्व के एहसास की' मालिकेत मुख्य भूमिकेत दिसली होती. सध्या रुबिना कोणत्याही टीव्ही सीरियलमध्ये नसून गेल्या वर्षी तिने चित्रपटसृष्टीत कमबॅक केले होते. यामध्ये रुबिना राजपाल यादवसोबत दिसली होती. तो कार्यक्रम Zee5 वर प्रवाहित केला जातो.