Priyanka Chopra: बॉलिवूडच्या देसी गर्लने अमेरिकन गायक, गीतकार आणि अभिनेता निक जोनस सोबत जोधपूरमध्ये शाही थाटामाटात २०१८ यावर्षी लग्नबंधनात अडकली. प्रियंका चोप्रा सोशल मीडियावर बरीच चर्चेत ही असते. तिच्या पोस्टने सोशल मीडियावर बरीच चर्चा होत असते.

नुकतीच काही दिवसांपुर्वी भारतात वास्तव्याला आली आहे. तिच्या सोबत तिचा पती, त्यांची मुलगी मालतीसोबत ती भारतात आली आहे. वैश्विक कोरोना महामारीनंतर प्रियंका भारतात आल्याने तिच्या चाहत्यांनी तिचे सोशल मीडियाच्या माध्यमातून भारतात स्वागतही केले आहे.

भारतात आल्यानंतर तिचा विमानतळावरील एक व्हिडिओ बराच चर्चेत आहे. प्रामुख्याने कलाकारमंडळींचे मुंबईसोबतचे नाते हे वेगळेच आहे. त्याला अपवाद प्रियंकाही नाही. प्रियंकाचे मुंबईत आगमन झाल्यानंतर काही खास पोस्ट केल्या आहेत. त्या पोस्टने सर्वांचेच लक्ष वेधुन घेतले आहे.

तिला परदेशात मुंबईची किती आठवण येत होती, हे त्या पोस्टमध्ये सांगितले आहे. प्रियंका भारतात मध्यरात्री पोहोचली . तिच्या आगमनाने विमानतळावर अनेक पापाराझींनी हजेरी लावली होती. मायदेशी परतल्यानंतर तिच्या चेहेऱ्यावर एक वेगळाच आनंद दिसुन येत आहे.

प्रियांका मुंबईतील घरी पोहोचल्यानंतर तिने एक फोटो शेअर केला आहे. यात ती विश्रांती घेताना दिसत असून यावेळी टीव्हीवर 'कॉफी विथ करण' हा शो पाहताना दिसत आहे. याला तिने हटके कॅप्शन दिले आहे. “जर तुम्ही टीव्हीवर करण जोहरचा शो पाहिला नसेल तर तोपर्यंत तुम्ही मुंबईत नाहीत.” असे ती म्हणाली आहे. याबरोबर तिने तिच्या आवडत्या वेफर्सचे फोटोही शेअर केले आहेत.

आणखी एक फोटो प्रियंकाने सोशल मीडियावर शेअर केला आहे, ज्यात तिच्या घरातून दिसणारा वरळी- बांद्रा सी लिंकचा फोटो शेअर केला. 'मी हे मोहक दृश्य पाहण्यासाठी फार तरसले होते.' असेही तिने कॅप्शन दिले होते.