Sushmita Sen Birthday Special: मिस वर्ल्ड आणि बॉलिवूड अभिनेत्री सुष्मिता सेन ही तिचा आज 47 वा वाढदिवस साजरा करत आहे. सुष्मिता सेन सोशल मीडियावर खूप सक्रिय असते. तिच्या प्रोफेशन लाईफसह, वैयक्तिक आयुष्यामुळे देखील ती चर्चेत असते. सुष्मिताचा एक्स बॉयफ्रेंड रोहमन शॉलने तिच्या वाढदिवसाला खास पद्धतीने शुभेच्छा दिल्या आहेत.

सुष्मिता सेन आणि रोहमन शॉल जवळपास दोन वर्ष एकमेकांना डेट करत होते. दोघांचे बाँडिंग खूप चांगले होते, पण गेल्या वर्षी दोघे वेगळे झाले. अभिनेत्रीने सोशल मीडियावर एका पोस्टद्वारे त्यांचे नाते संपुष्टात आल्याची माहिती दिली होती.

रोहमनने सुष्मिताला तिच्या 47 व्या वाढदिवसाच्या खास पद्धतीने शुभेच्छा दिल्या आहेत. रोहमनने त्याच्या इंस्टाग्राम स्टोरीमध्ये सुष्मिता सेनचा एक ब्लॅक अँड व्हाइट फोटो शेअर केला आहे. यासह त्याने रेड हार्टसह 47 लिहिले आहे. या फोटोमध्ये सुष्मिता खूपच सुंदर दिसत आहे. (Birthday)

सुष्मिता सेनची रोहमन शॉलसोबतची प्रेम कहाणीही खूप रंजक होती. आता दोघांचे ब्रेकअप झाले आहे, पण आजही ते मित्र आहेत आणि अनेकदा एकत्र स्पॉट होत असतात. खरंतर रोहमन शॉल हा सुष्मिताचा चाहता होता. एक दिवस रोहमनने सुष्मिताला इंस्टाग्रामवर मेसेज केला आणि एक दिवस चुकून सुष्मिताने रोहमनचा मेसेज पाहिला आणि रिप्लायही दिला. त्यानंतर रोहमनने तिला मेसेज केला की तो आनंदाने रूममध्ये उड्या मारत आहे. (Social Media)

सुष्मिताला रोहमन आवडला आणि दोघे बोलू लागले. यानंतर भेटीगाठी सुरू झाल्या आणि दोघे रिलेशनशिपमध्ये आले. दोघे आता वेगळे झाले आहेत. तरीही रोहमन अनेकदा सुष्मितासोबत दिसत असतो. सुष्मिताच्या मुलींसोबतही त्याचे चांगले संबंध आहेत. तिच्या ब्रेकअपचे वर्णन करताना सुष्मिताने लिहिले की, 'याची सुरुवात मैत्रीपासून झाली आणि ती कायम राहील. नातं संपलं, प्रेम नाही. (Relationship)